Nesta edición, “Bamboleo” recibirá a visita da cantante e compositora Conchita, que pasou a maioría da súa nenez en Francia, onde recibiu grande influencia da música deste país. 
O espazo tamén contará coa presenza no escenario da orquestra Nevada e de Rodrigo Ramos, músico e compositor galego que, tras máis dunha década formando parte de distintos grupos, en 2015 decidiu emprender un novo proxecto en solitario, en que puidera expoñer todas as súas influencias e canalizalas nun son único e persoal apoiado pola súa característica voz e unhas letras íntimas e rebordantes de personalidade.