Para comezar, o xornalista da Televisión de Galicia, César Souto, acode ao estudio de gravación para presentar o seu traballo “Os días afogados”, un documental que narra a tráxica historia dos pobos e vilas que quedaron somerxidos pola construción de encoros.
O programa tamén fará un repaso polos galegos que participan no Festival de Cine de Sevilla. Víctor Hugo Seoane presenta o seu filme “Verengo”, Eloy Domínguez Senén levou “No cow on the ice” e Xacio Baño con “Eco”, o seu cuarto documental. 
Outro dos contidos do programa é a reportaxe e entrevista á gañadora do premio do festival “Curto Circuíto” Helena Girón co seu proxecto “Sin Dios ni Santa María”.