O seu é un olor apreciado por moitos e que algúns asocian co mellor xeito de comezar o día. Falamos do café. Se vostedes son dos que van a un sitio e a outro na procura dese café excelente, hoxe non teñen dúbida de cal é o seu destino. En Vigo reúnense estes días os mellores baristas de España e parece que é boa canteira deles.

De Vigo é Marcos González, o mellor do ano pasado, 2018, e de alí tamén é Roberto Pereira, que está participando no primeiro campionato de baristas con síndrome de down.