O músico e acordeonista galego Alonso Caxade estará este mércores no estudio de gravación de “Zigzag Diario” presentando o último traballo discográfico do proxecto que lidera, Caxade. “E isto é o amor” é o título do albume e do sinxelo de lanzamento.
O programa cultural da tvG2 tamén lles recomendará aos seus espectadores algúns concertos imprescindibles, como o de Mike Farris, do que falará Moncho Lemos. Outro directo do que se fará eco o espazo da Televisión de Galicia e o da banda de rock Los Zigarros.
O “Zigzag Diario” deste mércores falará tamén doutras estreas con nome galego coma as de Presumido, proxecto musical de Tarci Ávila, ou a dos santiagueses Ataque Escampe.