Jane Marcet, Harriet Taylor Mill, Beatrice Webb, Rosa Luxemburgo, Joan Robinson..., salvo un ou como moito dous destes nomes, a maioría de nós descoñecemos as mulleres que se agochan detrás deles. Todas son mulleres relevantes na economía, fundamentalmente dos séculos XIX e XX. O seu esquecemento deixa patente o papel que a historia deste campo lles asignou, algo contra o que se segue loitando hoxe en día. Falamos con Carmen Sampayo, contable e economista, que está á fronte do Colexio Economistas de Ourense.