Por fin sábese quen secuestrou a tenente Rivas. A resposta non podía ser máis inquietante, pois trátase de Antía, a nova parella de Diego Bazán. A sarxento Marga Neira non imaxina canta razón ten ao desconfiar da letrada, pero isto promete ir moito máis alá dunha rifa por amor.

Pola súa parte, Diego tortúrase ao pensar que, nun acto de autodefensa e para protexer a súa compañeira Marga, acabou coa vida de Estevo, o único fío do que podían tirar para salvar a tenente.
O que parece telo moi claro desde o principio é Santos, parella de Rivas e home de armas tomar. Antía cruzouse no seu camiño e el, seguro da implicación da avogada, fará todo canto poida para recuperar a Lola, aínda que iso supoña ter que ir sempre varios pasos por diante da Garda Civil.

Mentres tanto, Antía segue gozando do éxito do seu plan. Ten a Rivas e a Garda Civil parece non atopar ningunha pista que seguir. Ademais, atopou en Santos un novo entretemento.
Por sorte, o instinto de Marga Neira levará a sarxento a indagar nos casos en que Rivas traballou ao longo da súa carreira. Coa auda de Quique, poida que atopen algunha conexión que lles axude na investigación.