No arranque desta temporada, os espectadores verán hoxe como as posibilidades de supervivencia de Sara son moi poucas e, se o fai, caben moitas opcións de que fique nun estado vexetal. Aínda sen Sara, a vida continúa no pazo. Mónica intenta convencer a Leonor de que, ante a desesperada situación económica, aluguen o luxoso fogar dos Pardo Veiga para eventos sociais. Pola súa parte, Rita chega da súa xira madrileña sen saber do estado de Sara, mentres Marisiña cumpre o seu desexo de ascender no servizo doméstico e converterse en ama de chaves.