Don Román sospeita que Freire agocha algo no monte e manda a Álvaro, seu criado, investigar. Álvaro atopa un cartón de tabaco rubio de contrabando.

A máquina de discos chega ó café de Santalla. A Marcos ocórreselle facer un guateque e invitar a María.

Manuel non deixa á súa filla ir ó guateque porque non quere que teña ningunha relación con Marcos fóra das clases. A decisión de Manuel fai que pai e filla rifen.

Adela fai todo o posible por estar con Telmo. A Laura chégalle noticia do ben que se levan e vai pedirlle explicacións a Telmo, desconcertándoo.

A Marisiña, que non ten roupa axeitada para ir ó guateque, non lle queda outra que quedar na casa. Pero Elías decide darlle unha sorpresa.