Tras a morte de César, Carlos soubo xogar as súas cartas. Séntese tan intocable na casa dos Pardo Veiga que non dubida en insinuarse a Sara. Co favor de Leonor e de Mónica, semella que o único que lle impide completar a súa xogada mestra son as investigacións en que Emilio é parte cada vez máis activa.

Pola súa parte, Nino semella coñecer a verdade sobre como perdeu Rita o fillo que agardaban. Como reaccionará se sabe que a culpable dese aborto foi Mónica, a súa amada e actual parella?

No pazo non se para. Mentres Emilio intenta utilizar a súa influencia entre os xornalistas para que afrouxen a presión mediática sobre os Pardo Veiga, Marisiña monta un negocio de pitonisa. Amancio, o mordomo, intenta poñer orde e Tomaso morre de medo agora que a súa moza sabe invocar os espíritos.