Que pasará coa historia de amor de Sara e Emilio agora que saben que a que aínda é a súa muller segue en Galicia?

Por outro lado, César non aparece e os indicios de violencia nunha nave abandonada lle fan a Emilio temer o peor. Mónica convénceo para que non avise a policía, xa que a investigación pode relacionar a Nino coa trama corrupta do pai de familia. Mónica e o chofer están por fin xuntos e a rapaza non vai permitir que nada o estrague.

A que parece tamén disposta a todo é Iria. Claudia e Daniel descobren as súas intencións de destituír a Emilio da axencia publicitaria e erixirse directora xeral.