Santalla amence consternada tras a noticia do incendio da casa dos Lamela. Ninguén sabe de certo o que ocorreu e as especulacións dispáranse entre a veciñanza.

Mentres tanto, Laura quedará na casa dos Cabanas converténdose así en confidente da súa consogra Sara, que lle mostra a súa preocupación ante a atracción existente entre Manuel e Deli.
Laura e Ramón pechan o trato para a compra-venda da casa, mentres que os comentarios sobre que o incendio puidera non ter sido un accidente, toman cada vez máis forza.

Marcos e María chegan da súa lúa de mel en Mallorca. Laura sorpréndeos co seu agasallo, o piso de Vilariz.

Por fin coñécese a identidade do novo alcalde, alguén a quen todos coñecen e con quen ninguén contaba.