A familia Douro reencóntrase con Luís despois do accidente. Roberto e Lourdes falan sobre os problemas con Aurora. Fonso e Nina cada día están máis preocupados porque pensan que o señor que está a vivir con eles non é o seu pai senón un impostor. Amalia fala con Luís, que ten que mover o seu nicho a causa das filtracións de auga. Xaquín e Amalia discuten sobre a excusa da exhumación. Marisa e Aurora falan da volta de Luís, xa que seguen a estar impactadas. Mati continúa coa teima de ir á escola de modelos, pero a Lourdes non lle fai ningunha graza.