Ingredientes:

2 cogombros

Para o recheo: 150 gr de cuscús 3 ovos 6 pementos do piquillo 2 tomates 2 latas de atún en conserva 1 cunca de millo 100 gr de xamón 100 gr de queixo Arzúa Sal e pementa Caldo de verduras

Para a vinagreta de pebidas e améndoas: 30 gr de sementes de xirasol peladas 30 gr de améndoas en liscos 7 culleradas de aceite de oliva 3 culleradas de vinagreta Ceboliño Sal e pementa

Elaboración:

Sen dúbida, unha ensalada de cogombro é un dos pratos máis agradecidos nos días de calor. Cocemos tres ovos e hidratamos o cuscús. Cortamos en liscos un cogombro e reservamos. O resto do cogombro picámolo moito do mesmo xeito que o tomate, o xamón, o atún, o pemento, o ovo e o queixo. Incorporamos o millo, un chisco de aceite e mesturamos. Facemos os rolos cos cogombros e preparamos unha vinagreta con vinagre, pebidas, améndoas, sal, pementa e xema de ovo. Cubrimos con esta vinagreta os canelóns de cogombro, e listo para comer…!!!

Hoxe, o noso reporteiro recadeiro Rafa Durán visitará en Arteixo, a Cristina, da empresa Verduras Chelin, quen nos falará do produto estrela de hoxe: o cogombro.