Un país en 360
Camiño inglés
Estíbaliz Veiga vainos descubrir as dúas variantes do Camiño Inglés. Esta ruta de peregrinación era a que empregaban na Idade Media os británicos e os devotos doutros países do norte de Europa que chegaban a Galicia por mar.
Durante o percorrido, faremos o roteiro literario que segue os pasos de Torrente Ballester por Ferrol, descubriremos en 4x4 os recunchos ocultos das Fragas do Eume e observaremos a vista de paxaro a grandeza do Mosteiro de Monfero.
Tamén navegaremos pola ría de Betanzos nun innovador catamarán eléctrico e coñeceremos o Pontedeume dos Andrade. Ademais, buscaremos a orixe das lendas templarias dos arredores da Coruña, veremos como un Festival de Arte Urbana está a transformar o aspecto de Ordes e achegarémonos aos conventos de clausura de Santiago.