Achegámonos aos procesos creativos da banda de Tui Best Boy, que se revela como unha das sorpresas da temporada, con composicións de inspiración folk/soul, interpretadas cunha actitude que contaxia positividade.

Outro dos protagonistas desta nova edición de Musigalité será Triángulo de Amor Bizarro, de Boiro, unha das bandas imprescindibles na escena indie rock, que o pasado mes de xaneiro publicou o seu cuarto disco, "Salve Discordia".

Finalmente, o programa achegarase á proposta musical do grupo de Nigrán Moon Cresta, que, cun estilo aberto e ecléctico, recupera os sons do rock e do funk dos anos 70.