'Bamboleo' chega puntual esta noite á súa cita na Televisión de Galicia. Xosé Manuel Piñeiro conta hoxe coa presenza dunha artista excepcional, a cantante andaluza María Peláe, e, así mesmo, co artista Dani Royo, que actualmente ofrece un interesante espectáculo en homenaxe a Antonio Flores. O Grupo Beatriz, formación liderada por Beatriz e o seu acordeón, presenta un fantástico espectáculo musical co que se lanzarán a conquistar a verbena. O baile profesional está representado por unha parella de bailaríns recoñecidos internacionalmente: Yeeremy e Stefanny.