'Bamboleo' conta con convidados como Pili Pampín, Ortiga e unha artista cunha voz prodixiosa que triunfou en diversos programas de talentos: Roko. A orquestra convidada desta noite chega desde Cantabria, chámase Super Hollywood e ofrecerá unha divertida selección de temas. O baile profesional estará representado por Dani e Alba, unha parella que, cos seus magníficos bailes, dá boa mostra da súa progresión. Ademais haberá humor, xogos, festa e as seccións habituais: 'A jrileira', o 'Agora ou nunca' e 'A ITV do amor'.