O programa presentado por Xosé Manuel Piñeiro contará hoxe coa presenza das orquestras galegas que máis po levantan no campo da festa, as máis modernas e as clásicas. Como, por exemplo o Combo Dominicano, a orquestra Olympus e Los Satélites. 

No “Bamboleo Galicia Premium” tamén estarán os artistas galegos máis internacionais, como Lucía Pérez; os máis marchosos, ao estilo Xil Ríos; e os máis divertidos, como os Fillos do Estramonio. Os mellores bailaríns, os máis arriscados e os concursantes con máis ganas e sentido do humor tampouco perderán esta edición de “Bamboleo”.
E todo isto, por suposto, “made in Galicia”, produto cento por cento con denominación de orixe galega. E é que non fai falta buscar fóra para atopar os mellores artistas porque todos eles están no “Bamboleo Galicia Premium”.