Última oportunidade de levar o bote do ATRÁPAME SE PODES, que xa está en 10.800 euros, para a tripulación que nos acompañou durante esta semana: Carlos da Coruña, Érika de Dumbría, Patricia de Ourense, Goio da Illa de Arousa e Mónica de Narón. ATRÁPAME SE PODES é un concurso de preguntas e respostas presentado por Paco Lodeiro no que os participantes e os espectadores van a pasalo ben e ademais terán a posibilidade de gañar importantes premios. Cada semana, cinco novos concursantes deben superar diferentes fases. Primeiro compiten todos contra todos e logo por parellas. Á final só chegarán dous, que terán que enfrontarse entre si para levar o bote, que medra en cada programa.