Ingredientes:

Agulla de tenreira galega 3 chourizos crioulos PARA O MACHUCADO DE ADOBO DA AGULLA: 1 rama de perexil 1/2 copa de brandy 1 dente de allo Sal e pementa AOVE 1 cunca de viño Ribeiro PARA AS VERDURAS ASADAS: 1 tomate grande para asar 3 patacas 3 chalotas 3 cenorias 3 dentes de allo Sal e pementa 1 cullerada de ourego 1 culleradiña de chile en po 1 culleradiña de vinagre AOVE PARA O NAPADO DA AGULLA: 2 culleradas de ketchup 1 cullerada de vinagre balsámico 1 cullerada de salsa de soia 1 dente de allo asado 1 culleradiña de pementa

Elaboración:

Para o asado de tenreira e crioulos, adobamos a agulla co brandy, o ribeiro, o perexil, o allo, a pementa e o aceite. Enfornámola tapada durante unha hora a 180 graos. Nunha fonte de forno, asamos as verduras previamente marcadas cun chisco de aceite de oliva. Nun cunco mesturamos o aceite da tixola, ourego, chile en po, vinagre, a pementa e o sal. Mesturámolas coas verduras, asentamos enriba os crioulos e enfornamos xunto coa tenreira destapada durante 40 minutos a 180 graos. Cando teñamos lista a agulla de tenreira galega, pintámola coa mestura de ketchup, vinagre balsámico, salsa de soia, o allo asado, a pementa, o sal e os xugos da carne asada. Enfornámola uns 15 minutos a 220 graos. Empratamos e listo para comer...!!!!

Hoxe, Rafa Durán irá até Lalín, xunto de Cruz López, responsable de comunicación de Embutidos Lalinense a por crioulos!