Pasaporte galego
Antonio Lemos, especialista de acción
'Pasaporte Galego' mostrándonos as historias de fillos de emigrantes que viviron fóra da terra, pero que nunca se desnaturalizaron nin perderon o seu inconfundible xene galego, ese que lles conferiu sempre unha identidade única.
O protagonista deste programa é Antonio Lemos, un especialista de escenas de acción de cine e publicidade. Naceu en Vigo, viviu a noite e o día durante anos en Santiago, pero pronto chegou a Madrid, onde traballou cos directores máis importantes: Almodóvar, Álex de la Iglesia, Juanma Bajo Ulloa; e tamén cos estranxeiros Ridley Scott e Paul Greengrass.
Consagrouse como especialista/driver canda o cine de acción español. As míticas escenas de derrapaxes en películas como 'Airbag', levan o seu selo. Sucou no Barco de Papel de Serrat "os mares do mundo", fixo familia con amizades como Antonio Carmona, Mariola Orellana, Rosario Flores ou Pedro Lazaga, pero xamais perdeu as súas raíces. E alá onde foi, sempre conservou a fe de volver.