Coñeceremos a Manolo, da Quintela (Ourense) e as anguías para facer anguías con fideos.

Ingredientes:

- Anguía fresca

- 500 gr de fideos

- 200 gr de feixón verde

- 1 cebola picada

- 1 cullerada de pemento doce

- 5 dentes de allo

- 1 folla de loureiro

- 2 chiscos de sal

- 1 cullerada de tomate concentrado

- Aceite de oliva virxe

Para o machucado:

- 1 presa de améndoas en cru

- 2 rebandas de pan torrado

- Perexil

Elaboración:

Hoxe desfrutaremos dunhas anguías do río Miño. Comezamos torrando unhas améndoas e un anaco de pan, e xunto con perexil e allo fritido, facemos un machucado.

Nunha paella rustrimos ben unha cebola, incorporamos a anguía, o feixón, o tomate, o pemento doce e o loureiro. Cociñamos dous minutos e incorporamos os fideos. Dourámolos, cubrimos con auga e corrixímolo de sal.

Cocemos 6 minutos, integramos o machucado, deixamos repousar dous minutos máis, e listo para comer…!!!