Cachín comeza hoxe a súa aventura no catamarán dos canóns do Sil, onde controlará o nivel de azucre nas uvas e esfollará nas vides. Pola súa parte, Vitiño visitará a adega de Evaristo e Xosé Manuel Moure en Escairón, a Abadía da Cova (Ribeira Sacra).
Mentres, Xoán Cannas falará dos diferentes prezos do viño e de por que os temos caros e baratos. O sumiller tamén lle proporá unha cata a cegas á actriz Isabel Blanco. Finalmente, nos fogóns estará este martes Xoán Cacacois, que preparará un solombo de tenreira ao foie.