A revista
A Revista
29/07/2020 12:30 h
Índice de contidos
Comezamos 'A revista' deste mércores 29 de xullo adiantando contidos do programa: a economía circular e a reciclaxe, percorremos as terras de Monterrei, tempo seco e solleiro e como protexerse do sol e polémica en Santa Marta de Ribarteme
Percorremos terras de Monterrei para coñecer a Denominación de Orixe e tamén os roteiros dos Lagares. Visitáronnos José Manuel Juste, enólogo da D.O., e Alberte Roboredo, arqueólogo da ruta dos lagares. En directo comprobamos a colleita nunha adega da zona
Santa Marta de Ribarteme estréase como Festa de Interese Turístico Galego. Este ano a celebración é moi diferente e, ademais, está envolta en polémnica. Un grupo de veciños protestan polo que consideran xeitos de actuar moi sospeitosos do novo párroco
Laretamos sobre os 'reborn', bebés hiperrealistas que algunhas persoas tratan como bebés de verdade. Os psicólogos falan de dependencia emocional
Fotos d@s revisteir@s
Tempo de 'O agro'. Balance do CRAEGA
Sección de medio natural coa ambientóloga Xiana Albor. Falounos da economía circular, de aproveitar o refugallo e darlle unha nova vida. En Galicia temos exemplos de empresas verdes. Tamén os comentou as axudas ás que podemos acollernos
A familia de Déborah Fernández e os seus avogados explicaron en conferencia de prensa os que cren fallos na investigación. Despois de 18 anos, segue sen haber un culpable da súa desaparición e morte
Xullo pasará á historia como o mes máis cálido. Pode que esteamos falando dos efectos do cambio climático. Da forza do sol e de como protexerse falamos co dermatólogo Emilio del Río e co coordinador de Meteogalicia Juan Taboada. Tamén estivemos en directo nunha praia da Mariña, a zona de Galicia coa temperatura da auga máis elevada, e nun centro estético para saber de tratamentos contra as manchas que o sol provoca na pel
Información do tempo, con Noelia Rodríguez
Despedimos 'A revista' deste mércores 29 de xullo coa música da Orquesta Sons de Aguiño e o seu primeiro videoclip baseado na serie 'Mareas vivas'