O programa “Naqueles Tempos” abordará esta semana o contexto en que xorde unha nova xeración de gaiteiros, desde finais dos 80 ata o que agora coñecemos como os gaiteiros-espectáculo, moitos deles con proxección internacional.
É a época en que xorde con forza a figura dos recolledores de músicas tradicionais e en que conviven os tradicionalistas cos gaiteiros máis experimentais. En realidade, desde comezos dos anos 90 pódese falar dunha época dourada da gaita e da música folk.