Espazo divulgativo que reflicte a realidade variada de Galicia a través da vida cotiá de galegos e galegas (de toda idade e condición) que teñen cousas que contar.

Nesta segunda tempada, Actualizad@s afondará nos contidos xornalísticos á procura de cidadáns anónimos que aproveitan a súa existencia con paixón nos ámbitos cotiáns en que se desenvolven.

Un equipo de cinco reporteiros varrerá Galicia na procura desas historias anónimas marabillosas, que transcorren á marxe dos focos da "actualidade", e constitúen un retablo singular deses "heroes locais da vida cotiá" dos que falaba Torrente Ballester.