CRTVG

Despois da malleira que Álvaro lle propina a Daniel, Lupe desconfía de que este traballe ás ordes de Balseiro. A sombra de Ramón segue a percorrer Santalla, aínda que todos o dean por morto.

O anuncio de que Daniel vai marchar de Santalla deixa aos socios da granxa preocupados pola situación do negocio. Son moitas as dúbidas que xurden tras a decisión do axente agrario, quen falará agora cos outros socios? E por que ten tanta prisa Daniel en marchar? Freire , Tomás e Manuel non poderán nin imaxinar o que se atopa agochado nesta decisión.

Tras a marcha de Daniel cos cartos da granxa, os homes están abatidos. Non poden entender como foron enganados desa maneira e non o viron antes. Antes esta situación, Marcos propón entrar no negocio, idea que os homes ven con bos ollos.

Presenta Sevi Martínez.

Presenta Marta Darriba.

Información deportiva a cargo de Terio Carrera.

Serie. No estado de Nevada, ó sur de Virxinia City, entre Reno e máis aló de Carson City, esténdese os máis de 1.500 qm2 do rancho A Ponderosa, propiedade dos Cartwright: Ben, o pai e os seus tres fillos Adam, Hoss, e o pequeno Joe.

Concurso presentado por Rodrigo Vázquez en que cada día unha parella de concursantes opta a gañar un premio de ata 50.000 euros.

Espazo que percorre Europa e Centroamérica facendo unha fotografía do mundo globalizado e amosando as diferenzas entre distintos profesionais en Galicia fronte aos doutras partes do mundo. O programa 'Corremundos' coñecerá esta noite o día a día dos bombeiros portugueses e galegos. Ademais, na visita ao país veciño, tratará de descubrir os segredos do adubío do churrasco perfecto.

Espazo que percorre Europa e Centroamérica facendo unha fotografía do mundo globalizado e amosando as diferenzas entre distintos profesionais en Galicia fronte aos doutras partes do mundo. No programa de hoxe, os carniceiros e os mecánicos alemáns e galegos amosan hoxe o seu bo facer. En Hamburgo, probará as mellores salchichas na marxe do río Elba e descubrirá se alí saben tanto de coches como presumen.

Programa que lles achega aos espectadores galegos toda a actualidade cultural, presentado por Pilar G. Rego (de luns a venres) e María Solar (fin de semana). Ledicia Costas, unha das escritoras máis recoñecidas e traducidas da literatura galega, presenta hoxe ‘Zigzag’ a súa nova novela: ‘Pel de cordeiro’.

Presentan Marcos Sueiro e Raquel Domínguez. Mercedes Seijo encárgase da información deportiva.

Programa festeiro, que se achega á música e ao ambiente dos concertos e festivais. 'Festigaliando' adentrarase esta noite no Caudal Fest de Lugo, o último gran festival do verán.

Programa festeiro, que dá mostra dos concertos que hai no verán galego, achegándose a súa música e ambiente. 'Festigaliando' centrarase hoxe no festival Revenidas, que se celebrou en Vilaxoán coa presenza de grupos como Boyanka Kostova, La Pegatina ou Baiuca.

Programa festeiro, que se achega á música e ao ambiente dos concertos e festivais. Os espectadores de ‘Festigaliando’ vivirán un concerto moi agardado, o do retorno a Galicia de Maná, a banda de rock en español máis influente do mundo.

Programa de madrugada da Radio Galega, dirixido e presentado por Raquel Rosa, que tamén se emite cada noite en directo pola G2. 'Pensando en ti' cédelle o protagonismo absoluto á participación dos oíntes, que comparten en vivo e a través do teléfono, nun ton distendido, experiencias persoais e opinións sobre todo tipo de temas.

O Gato con Botas é o encargado de coñecer a vida detrás das cámaras dos invitados. É curioso, preguntón, inquieto, ácido, retranqueiro, inconformista e intrépido.Manuel Manquiña non é un preguntador ao uso, e pode tomarse a liberdade de husmear nos lugares e nos obxectos do entrevistado.