Neste programa comemoramos o Día Mundial da Enfermidades Raras, polo que ofreceremos varias historias de afectados por doenzas catalogadas deste xeito e as reivindicacións da asociación galega de Enfermidades raras. Tamén nos achegaremos ao barrio da Tinería de Lugo,un exemplo de como se están recuperando os barrios antigos máis depauperados das cidades galegas para que sexan atractivos para negocios e novas familias. Volvemos á residencia de maiores Torrente Ballester da Coruña, onde estivemos hai xusto hai un ano, antes da declaración do estado de alarma. Un ano despois comprobamos como pasaron estes meses de pandemia e se adaptaron a tantas restriccións. E finalmente visitamos a Estación de Manzaneda, da que acaba de facerse cargo  un novo equipo directivo e cóntannos cal é o seu proxecto.