Á marxe de filias ou fobias, debemos recoñecer que Pedro Barrié de la Maza foi durante máis de medio século un dos máis importantes actores económicos de Galicia. Que queda hoxe do imperio que creou? Como ve a historia a este personaxe? Foi positivo ou negativo para Galicia? Neste documental seguiremos as pegadas deste poderoso empresario, mostrando as súas luces e as súas sombras, e achegándonos a unha vida que ata agora permaneceu oculta.