Vivir aquí
Os oficios de sempre
09/12/2012 15:30 h
O programa “Vivir Aquí” descubre nesta edición que moitos oficios tradicionais que aparentemente eran cousa doutros tempos están ben vivos. Costureiras, carpinteiros de Ribeira, ferradores, ebanistas que restauran mobles e mesmo campaneiros de Mondoñedo son os protagonistas do espazo da TVG.
Un percorrido por Galicia que vai desde A Coruña, onde o programa estará coa costureira Lucía Pita, ata Vigo, onde atopará a Javier Puente, restaurador de mobles; pasando por Lorbé, onde estará con Pepe Gómez, carpinteiro de Ribeira, ou Arteixo, onde coñeceremos o ferrador José Luis López. “Vivir Aquí” pecha en Mondoñedo cos campaneiros da catedral, Valentín e Eloi.