Diego segue sen aturar estar en paro, quere sentirse útil. Decide matricularse nun curso de prevención de riscos. Máis que previr, Diego acaba provocando verdadeiras catástrofes.

Rosa, a nova veciña, representante de artistas un tanto peculiares, non consegue contratos pola súa brusquedade e mala lingua. Lucía e Ana préstanse para ensinarlle modais. Rosa acabará colléndolle gusto ao de seren "ridícula"; a súa vez, as dúas mozas aprenderán algo da linguaxe de Rosa. Ante a "inexperiencia" de Sebas, Fran decide tomar cartas no asunto. Convénceo para recuperar o tempo perdido na adolescencia, vaino poñer ao día, aprenderalle a pasalo ben de verdade.