Os obxectos máis sinxelos poden traer lembranzas do pasado, e a Lucía ocorreralle isto cando ten un problema cun reloxo que era de Celso, un dos mariñeiros do naufraxio. Mentres, Renata segue co programa dos Servizos Sociais para recuperar a súa filla, pero, por facerlle un favor a Roberto, non pode acudir a unha das reunións co psicólogo, o que complica o proceso. Roberto trata de compensala ofrecéndolle que volva traballar no bar, aínda que non semella que sexa o mellor sitio para unha ex-alcohólica...