CRTVG Viva https://www.crtvg.es CRTVG Viva Copyright 2021 Sun, 28 Feb 2021 20:42:06 +0100 Sun, 28 Feb 2021 20:42:06 +0100 gl https://www.crtvg.es https://www.crtvg.es/static/img/rss_logo_crtvg.png CRTVG Viva No capítulo deste domingo de 'Método Criminal', Damián ten que cumprir a súa promesa e pechar un gran negocio cos colombianos https://www.crtvg.es/crtvg/noticias-corporativas/no-capitulo-deste-domingo-de-metodo-criminal-damian-ten-que-cumprir-a-sua-promesa-e-pechar-un-gran-negocio-cos-colombianos Sun, 28 Feb 2021 00:00:00 +0100 https://www.crtvg.es/crtvg/noticias-corporativas/no-capitulo-deste-domingo-de-metodo-criminal-damian-ten-que-cumprir-a-sua-promesa-e-pechar-un-gran-negocio-cos-colombianos Santiago, 28.02.2021.-    Despois de superar tres intentos de asasinato, descubrir a identidade do traidor e de sufocar a sede de vinganza do clan contra Tuco, no capítulo desta noite de ‘Método Criminal’ (22.35 h) Damián só ten que cumprir a súa promesa e pechar un gran negocio cos colombianos. Algo que pode ser sinxelo para un criminal de renome coma Telmo Canosa, pero se o que o intenta facelo é o seu fillo miñaxoia, a cousa non é tan doada.

Coa mellor das disposicións, Damián contacta con Rosario, a líder da mafia colombiana coa que Telmo facía negocios, e, a pesar do intento, o resultado non será o esperado, polo que viaxará ata Colombia para negociar en persoa.

Mentres tanto, Luís está gozando do seu momento despois de conseguir o papel de protagonista na serie dos irmandiños, en parte grazas á colaboración de Cecilia, pero a calma na súa casa non dura moito. Sara segue meténdolle presión para obter máis  información sobre os negocios ilegais dos Canosa e Gaila pídelle permiso para acoller durante un tempo o seu mozo, co que Luís non se leva moi ben, o que provocará unha fisura na relación entre pai e filla.

Na produtora, Susana non está conforme co desenvolvemento da súa personaxe na historia sobre os irmandiños. Cre que o proxecto necesita unha ollada nova e feminina, polo que contrata unha guionista, un talento emerxente. A decisión colle por sorpresa a todo o equipo, pero máis aínda á persoa á que Susana lle propón o traballo.

]]>
Novas TVG Programación TVG
O programa ‘Que Casas!’, coas vivendas máis orixinais e fascinantes de Galicia, regresa esta noite á TVG https://www.crtvg.es/crtvg/noticias-corporativas/o-programa-que-casas-coas-vivendas-mais-orixinais-e-fascinantes-de-galicia-regresa-esta-noite-a-tvg Sun, 28 Feb 2021 00:00:00 +0100 https://www.crtvg.es/crtvg/noticias-corporativas/o-programa-que-casas-coas-vivendas-mais-orixinais-e-fascinantes-de-galicia-regresa-esta-noite-a-tvg Santiago, 28.02.2021.- Este domingo regresa ‘Que Casas!’ á Televisión de Galicia. O espazo, que entra nas casas máis fascinantes, singulares e orixinais de Galicia da man dos seus propietarios, volve hoxe á Galega con novas entregas na faixa do ‘prime time’, ás 23.25 h.

Deixar un cómodo traballo de enxeñeiro para ir vivir a unha casa de pedra como parte dunha comunidade espiritual no rural ourensá. Reformar a casa dos teus soños nunha vila costeira da bisbarra de Noia. Habitar un piso precioso deses que cando chega alguén de visita botas as chaves pola fiestra para evitar as escaleiras. Facer unha casa pensada para convivir cada día coas túas compañeiras de traballo. Ou vivir nun apartamento de menos de 35m2 dentro da propia Muralla de Lugo. Todo iso, poderase ver este domingo en ‘Que Casas!’ .

En Lugo coñecerase a Verónica Rodríguez, que vive nun fermoso apartamento situado dentro da espectacular muralla. O feito de que non sexa moi xeneroso en canto a metros cadrados non ten por que ser un problema, porque para iso están o deseño e a creatividade. Entre os coruñeses concellos de Noia e Porto do Son, irase até o pequeno pobo costeiro de Boa. Neste fermoso paraxe, xusto á beira da igrexa de San Pedro atópase unha casa cuxo exterior non permite adiviñar o mundo de deseño e máis modernidade que, combinado coa tradición arquitectónica galega, se descubrirá ao cruzar as súas portas, e iso farase da man de Gonzalo Pérez.

E na parroquia ourensá de Santa Baia de Anfeoz amosarase unha vivenda que dá boa conta da diversidade que hai en Galicia en canto a tipos de casas e estilos de vida. Trátase dunha construción orixinaria de 1930, que tivo varios propietarios moi carismáticos. Os actuais afirman que viven felizmente nunha comunidade espiritual que xira en torno ao mundo do Ioga Integral. Algo que ten moito que ver con que o anfitrión, o antano Xosé Miguel Pérez agora se chame Ananda Krishna.

Ademais, nunha parroquia do portugués municipio de Viana do Castelo chamada Afife verase un rapaz afeccionado á música e ao surf que xuntou nun mesmo espazo seu estudo de arquitectura e a súa casa. Tendo en conta o seu perfil xa se pode imaxinar a exquisitez estética que acompaña a atmósfera creativa do seu fogar. El chámase Mario José Rebelo.

E por último presentarase unha de arte, música, apaixonada da luz, da cor e da vida. Como será a vivenda dunha rapaza que se presenta ao mundo con esa descrición? E se aínda por riba esa casa está no feiticeiro casco histórico da fermosísima cidade de Santiago de Compostela? Resolvanse todas estas incógnitas vendo o piso de Clara Copena. Benvidos de novo a ‘Que Casas!’.

]]>
Novas CRTVG
Nena Daconte e Pili Pampín porán a música no 'Bamboleo' deste sábado https://www.crtvg.es/crtvg/noticias-corporativas/nena-daconte-e-pili-pampin-poran-a-musica-no-bamboleo-deste-sabado Sat, 27 Feb 2021 00:00:00 +0100 https://www.crtvg.es/crtvg/noticias-corporativas/nena-daconte-e-pili-pampin-poran-a-musica-no-bamboleo-deste-sabado Santiago, 27.02.2021.-   ‘Bamboleo’ (22.05 h) prepara para este sábado unha proposta moi entretida. Xosé Manuel Piñeiro contará nesta ocasión coa presenza de Nena Daconte, nome artístico da cantante madrileña Mai Meneses, que triunfara co éxito ‘Tenía tanto que darte’, un bombazo que interpretará sobre o escenario de ‘Bamboleo’.  Ademais presentará un novo sinxelo, ‘Hojas secas’, en que mestura pop con música electrónica, mentres prepara o seu próximo lanzamento discográfico.  

Tamén formará parte do espectáculo desta noite a cantante Pili Pampín, que levou e leva o nome de Galicia e as súas cancións polos escenarios de medio mundo. Hoxe interpretará entre outros, unha mesturanza dos seus temas máis recoñecidos.

Os colaboradores veñen con ganas de meter en apuros as dúas artistas, que competirán no ‘Sobes ou Baixas’ e nos xogos do programa. Tamara Pérez, Claudio Pan, Javi Varela e Damián están dispostos para todo e ese todo inclúe encontrarse con algunha trasnada do furacán de Arca: Isi.

Ademais, a orquestra La Favorita traerá a festa ao estudio de ‘Bamboleo’ cunha selección de temas moi verbeneiros, mentres que no ‘Dirtidansi’ os espectadores verán dúas exhibicións de jive e rumba-bolero a cargo dunha parella de bailaríns de Teo, campións do mundo: Manel e Bea.

Na sección musical do ‘Agora ou Nunca’ os participantes serán Nerea Iglesias e José Manuel García, que pasarán polo escenario para cantar ‘Proud Mary’, de Tina Turner, e ‘Solo te pido’, de Manolo Escobar.

O karaoke de ‘A Jrileira’ contará coa participación dos clubs deportivos Santiago Black Ravens e Voleibol Calasancias Coruña. Miguel e Jaime, representantes de ambas as dúas entidades, cantarán ‘Amante Bandido’, de Miguel Bosé, e adiviñarán intérpretes coa axuda de compañeiros.

Finalmente, na ‘ITV do Amor’, Ainara xogará contra Julián e tres amigas para intentar adiviñar quen é a súa parella e facerse co premio. Todo é posible na proba máis picante do programa, en que o falar non ten cancelas.

]]>
Novas TVG Programación TVG
Fin de semana polideportiva na CRTVG, con fútbol sala, balonmán, baloncesto, voleibol, hóckey e fútbol https://www.crtvg.es/crtvg/noticias-corporativas/fin-de-semana-polideportiva-na-crtvg-con-futbol-sala-balonman-baloncesto-voleibol-hockey-e-futbol Fri, 26 Feb 2021 12:03:00 +0100 https://www.crtvg.es/crtvg/noticias-corporativas/fin-de-semana-polideportiva-na-crtvg-con-futbol-sala-balonman-baloncesto-voleibol-hockey-e-futbol Santiago, 26.02.2021.-  Fin de semana polideportiva nos medios públicos galegos, con transmisións de equipos galegos de fútbol sala, balonmán, voleibol, baloncesto, hóckey e fútbol. O sábado, ás 17.00 horas, a G2 e a web da CRTVG achegarán a primeira proposta deportiva, entre o Fútbol Emotion Zaragoza e o Burela Pescados Rubén F. S., correspondente á xornada 22 da División de Honra de fútbol sala masculino. Ambos equipos, situados na parte baixa da táboa, xogarán con intensidade para facerse cos puntos do partido.

A continuación, ás 19.00 horas, ofrecerase unha nova cita de balonmán masculino na Liga Asobal co Frigoríficos Morrazo de Cangas e o C. B. Villa de Aranda como protagonistas. Unha vitoria imprescindible para os dous conxuntos. Mentres que o Cangas asiste a este encontro forte de moral tras vencer no último partido, o conxunto visitante é un rival angustiado por cambiar o seu mal momento e volver sumar.

A maiores, a web da CRTVG tamén transmitirá, ás 19.00 horas, un partido da Superliga masculina de voleibol, entre o Rotogal Boiro V. B. e o C. V. Teruel (en diferido, o domingo pola G2, ás 18.25 h).

O domingo, ás 12.30 horas, os medios públicos galegos volven mudar de disciplina para ofrecer un novo partido de baloncesto na liga LEB Ouro, que disputarán o líder da categoría, o Leche Río Breogán, e o Destino Palencia, tamén nos primeiros postos da táboa.

Pola tarde, o programa ‘A Liga das Cidades’ transmitirá o derbi provincial na Terceira galega, entre o C. D. Arenteiro e o U. D. Ourense (17.00 h). Os anfitrións reciben invictos na casa o equipo da capital, na que será a súa terceira saída seguida. O espazo realizará, amais, un carrusel polos campos da Terceira División galega.

A última transmisión en directo da fin de semana, ás 20.00 horas, corresponderá á OK Liga de hóckey, co partido que enfrontará o CH Palafrugell na casa cun Deportivo Liceo moi forte esta temporada.

]]>
Novas CRTVG
Melody celebra 20 anos na música con novas cancións en 'Luar', que trae os álbums dos galegos Joel Padín e TNT https://www.crtvg.es/crtvg/noticias-corporativas/melody-celebra-20-anos-na-musica-con-novas-cancions-en-luar-que-trae-os-novos-albums-dos-galegos-joel-padin-e-tnt Fri, 26 Feb 2021 00:00:00 +0100 https://www.crtvg.es/crtvg/noticias-corporativas/melody-celebra-20-anos-na-musica-con-novas-cancions-en-luar-que-trae-os-novos-albums-dos-galegos-joel-padin-e-tnt Santiago, 26.02.2021.-  A música máis actual e os sons tradicionais máis festivos son protagonistas un venres máis en ‘Luar’ (21.55 h). Así, o programa da Galega trae esta noite as novas propostas de Melody, coas que a cantante celebra os seus 20 anos na música. A artista sevillana, que se dera a coñecer con ‘El baile del gorila’, interpretará entre outros temas ‘Las cosas del amor’, unha rumba flamenca e positiva coa que a coñecida artista volve situarse no panorama musical.

Desde Vilagarcía chega hoxe Joel Padín, para presentar o seu álbum debut ‘Aughas mortas’, un proxecto que se compón de 13 pezas tradicionais recollidas polo gaiteiro Carlos Rey e interpretadas por Padín, entre outros músicos. Padín, con só 15 anos, é xa coñecido pola audiencia da Galega tras proclamarse gañador hai uns anos do concurso infantil ‘Pequenos fenómenos’.

O redondelán Tanto Nos Ten (TNT) Música Tradicional Furtiva presentará esta noite en ‘Luar’ o seu novo traballo ‘Cortando fíos’. Este grupo folk, que converte nunha festa cada unha das súas actuacións, combina no seu repertorio temas propios con cancións populares, amais de mesturar pasodobres, muiñeiras, rumbas e outros ritmos bailables, que dan nome ao que a agrupación denomina música tradicional furtiva.
    
O versátil artista ourensán Christian Escuredo e o tamén artista e membro do xurado de ‘Recantos’ Manuel DeAndrade subirán hoxe ao escenario para interpretar a dúo ‘Ti cambiarás’. Amais, contarase coas intervencións da orquestra Los Player’s, da canguesa Charanga Trébede e da agrupación Abeleiras.

Xosé Ramón Gayoso, Patricia F. Santana e Rocío Rodríguez darán paso, amais, a unha nova edición do certame de novos talentos ‘Recantos’, en que competirán Chiña, en representación de Noia-Barbanza, e Fernando Hernández, de Terras da Coruña. Unha edición máis, Gayoso intentará que algún espectador sexa quen de facerse cos 2.500 euros do concurso telefónico. Completa o elenco de convidados o humor dos cómicos Paco e Pepe e os 3 Litos.

]]>
Novas TVG Programación TVG
Este sábado chegan á G2 'Os Bolechas no cole', novo programa para coñecer os proxectos máis sorprendentes e orixinais dos colexios galegos https://www.crtvg.es/crtvg/noticias-corporativas/este-sabado-chegan-a-g2-os-bolechas-no-cole-novo-programa-para-conecer-os-proxectos-mais-sorprendentes-e-orixinais-dos-colexios-galegos Thu, 25 Feb 2021 14:11:00 +0100 https://www.crtvg.es/crtvg/noticias-corporativas/este-sabado-chegan-a-g2-os-bolechas-no-cole-novo-programa-para-conecer-os-proxectos-mais-sorprendentes-e-orixinais-dos-colexios-galegos Santiago, 25.02.2021.-    Os Bolechas volven ás aulas de Educación Infantil e Primaria, pero este curso entran virtualmente para coñecer como están traballando neste ano tan singular diversos proxectos e temáticas ou celebrando datas significativas, como poden ser o magosto, o Nadal, o Entroido  ou o Día contra a Violencia de Xénero. A partir deste sábado, 27 de febreiro, esta nova aventura dos famosos personaxes creados por Pepe Carreiro, titulada ‘Os Bolechas no cole’, formará parte da faixa educativa matinal da G2 (arredor das 11.00 h).

Ao igual que ‘BraulioTuber,’ este novo programa ten como protagonistas absolutos as nenas e nenos de Educación Infantil e Primaria de toda Galicia e o profesorado, cuxa  participación é esencial para levar a cabo o programa. Grazas a eles poderase ver o enorme esforzo que se está a facer cada día nos centros escolares para seguir ensinando con seguridade, alegría e imaxinación.

A través da segunda canle da Galega, toda a comunidade educativa e as familias poderán ver o gran labor, vital para o noso futuro como sociedade, que se está desenvolvendo nas aulas e sorprenderanse coa cantidade e diversidade de proxectos que se están levando a cabo nas escolas sobre temas do máis variado, con extraordinarias doses de entusiasmo, innovación e enxeño. De aí a aposta dos Bolechas e a TVG por abrir unha canle directa co mundo escolar e amosar a relevante encomenda de quen está formando as futuras galegas e galegos.  

Cun formato moi sinxelo, rápido e fresco, cada aula presentará un tema elixido por eles, que exporán de forma natural, como se fosen auténticos profesionais da comunicación. O programa completarase e cun experimento de Braulio Bolechas, o personaxe máis ‘científico’ da familia, que nos minutos finais porá en práctica un experimento adaptado ás idades do público, co obxectivo de ensinar dunha forma práctica e divertida.

Máis de 20 anos cos Bolechas

Os Bolechas celebraron en 2020 o seu vixésimo aniversario. O primeiro libro da popular familia viu a luz no ano 2000. Desde entón, con case 700 títulos publicados e máis de 1.800.000 exemplares distribuídos, teñen unha verdadeira lexión de fans, que seguen con paixón as súas aventuras, ben sexa a través dos seus libros, da televisión, nas propostas escénicas ou nas saídas á rúa. Ademais, Os Bolechas falan sempre en galego, de forma que contribúen á divulgación e á formación da poboación infantil na lingua propia, sempre mediante o pracer e o divertimento.

]]>
Novas TVG Novas CRTVG
Celta-Valladolid, Almería-Lugo e a Terceira, no 'Galicia en goles' https://www.crtvg.es/crtvg/noticias-corporativas/celta-valladolid-almeria-lugo-e-a-terceira-no-galicia-en-goles Thu, 25 Feb 2021 10:53:00 +0100 https://www.crtvg.es/crtvg/noticias-corporativas/celta-valladolid-almeria-lugo-e-a-terceira-no-galicia-en-goles Santiago, 25.02.2021.- Febreiro remata con moito deporte na sintonía da Radio Galega. O venres, desde as oito e media do serán, Paco Santos analiza o calendario dos equipos galegos cos protagonistas dos partidos máis importantes ata as 12 da noite na primeira edición de 'Galicia en goles'.

O sábado, desde as 3, Xoán Galán conduce a retransmisión do encontro da Segunda División A entre o Almería e o Club Deportivo Lugo. Ademais, as ligas de baloncesto, fútbol sala e balonmán completarán a programación ata as 11 da noite.

Xa o domingo, o 'Galicia en goles' non descansará nin no xantar, xa que ás 2 da tarde xoga o Celta en Balaídos ante o Valladolid. Antes, desde as 12 do mediodía, o programa atenderá o fútbol de Terceira e o baloncesto, con atención especial ao Obradoiro-Tenerife da ACB. Pola tarde, máis fútbol autonómico ata que comece o faladoiro de especialistas, contra as oito e media do serán.

Durante a fin de semana, a Radio Galega ofrece outros espazos de temática deportiva. O sábado, á 1 do mediodía, Alfonso Pardo visita O Vicedo para presentar a Unión Deportiva Folgueiro. Ás 11 da noite, Rodrigo Pérez Pardo analiza a actualidade do motor no 'Gas a fondo', mentres ás once e media Toni López conversa co padexeiro Luis Fernández no 'Galicia en Toquio'.

Ademais, o domingo 'Ao contraataque' debate ás 11 da noite os resultados acadados polos nosos equipos durante a fin de semana.

]]>
Novas RG Novas CRTVG
O actor Antonio Durán 'Morris' e o grupo Boyanka Kostova, protagonistas dun 'Land Rober Tunai Show' dedicado á rapazada https://www.crtvg.es/crtvg/noticias-corporativas/o-actor-antonio-duran-morris-e-o-grupo-boyanka-kostova-protagonistas-dun-land-rober-tunai-show-dedicado-a-rapazada Thu, 25 Feb 2021 00:00:00 +0100 https://www.crtvg.es/crtvg/noticias-corporativas/o-actor-antonio-duran-morris-e-o-grupo-boyanka-kostova-protagonistas-dun-land-rober-tunai-show-dedicado-a-rapazada Santiago, 25.02.2021.-    Este xoves vén un dos grandes pintar a mona no ‘Land Rober Tunai Show’ (21.55 h): o actor Antonio Durán ‘Morris’, nun programa especial para a ‘juventú’. Os espectadores van saber que pasa coa rapazada nestes tempos, e para iso o programa contará con dous expertos na materia: Pili Pampín e Octavio Villazala. Cal dos dous coñecerá mellor os problemas que lle quitan o sono á Xeración Z?

Volve tamén o ‘Pasa pa casa’ especial rapazada. Por se fose pouco, o show presentado por Roberto Vilar pillará a Dosinda na allada, nun encontro cun pretendente no límite do peche perimetral. O garda civil vai ter traballo arreo.

O ramo porao o grupo de trap galego Boyanka Kostova. Quen mellor para marcar o ritmo deste ‘Land Rober’ especial ‘chavalada’?

]]>
Novas TVG Programación TVG
CRTVG.gal ofrece o regreso da Real Filharmonía de Galicia aos escenarios, nun recital con Nuno Coelho á batuta https://www.crtvg.es/crtvg/noticias-corporativas/crtvg-gal-ofrece-o-regreso-da-real-filharmonia-de-galicia-aos-escenarios-nun-recital-con-nuno-coelho-a-batuta Thu, 25 Feb 2021 00:00:00 +0100 https://www.crtvg.es/crtvg/noticias-corporativas/crtvg-gal-ofrece-o-regreso-da-real-filharmonia-de-galicia-aos-escenarios-nun-recital-con-nuno-coelho-a-batuta Santiago, 24.02.2021.-  O portal web da CRTVG retoma este xoves a transmisión por streaming dos concertos da presente temporada da Real Filharmonía de Galicia, suspendidos estas últimas semanas por mor das restricións sanitarias. Na sección ‘Fluxos G’, os usuarios de crtvg.gal poderán seguir en directo, a partir das 20.00 horas, o concerto ‘Viva Beethoven’ (https://www.crtvg.es/en-directo/fluxos-g-concerto-da-real-filharmonia-de-galicia), desde o Auditorio de Galicia. O director luso Nuno Coelho debutará coa orquestra galega á batuta, no que será un concerto homenaxe ao compositor Ludwig van Beethoven (1770-1827).

Baixo o título ‘Viva Beethoven’, o concerto comezará coa versión de 1943 de La Noche Transfigurada, de Arnorld Schoenberg (1874-1951), inspirada no poema homónimo de Richard Dehmel. A continuación, os músicos interpretarán a Sinfonía nº 5, unha das composicións máis populares da música clásica.

Nuno Coelho foi o gañador do Concurso Internacional de Dirección da Orquestra de Cadaqués en 2017 e é director convidado da Orquestra Gulbenkian. Nesta temporada, ademais dos concertos en Lisboa, debutará coa Staatsorchester de Hannover, coa Simfónica de Barcelona e Noord Nederlands.

Desde decembro e ata o mes de maio, o portal web da CRTVG está retransmitindo os xoves por streaming os concertos da presente temporada da Real Filharmonía de Galicia, cos que celebra o seu 25 aniversario. Estes recitais só poderán verse en directo, xa que non quedarán posteriormente gravados na web. As retransmisións están dispoñibles na sección ‘FluxosG’ do portal da CRTVG, destacada na súa portada.

]]>
Novas CRTVG
As radios públicas autonómicas reforzan o seu labor no mundo dixital https://www.crtvg.es/crtvg/noticias-corporativas/as-radios-publicas-autonomicas-reforzan-o-seu-labor-no-mundo-dixital Wed, 24 Feb 2021 11:07:00 +0100 https://www.crtvg.es/crtvg/noticias-corporativas/as-radios-publicas-autonomicas-reforzan-o-seu-labor-no-mundo-dixital Santiago, 24.02.2021.-  As radios son unha parte fundamental dos servizos audiovisuais públicos autonómicos englobados na Federación de Oganismos de Radio e Televisión Autonómicos (FORTA). Nos últimos tempos, este medio tivo que reinventarse e ir adaptándose aos constantes cambios, á nova maneira de consumir e ao crecemento de Internet. Durante o 2020, as radios reforzaron a súa aposta polo mundo dixital, o cal se viu reflectido no éxito e crecemento dos seus contidos online.

2020 foi o ano da información de servizo público. No medio dunha pandemia sen precedentes, os medios públicos galegos responderon dando o máximo servizo público da súa historia, e este traballo viuse recompensado pola sintonía e fidelidade da audiencia. Todas as canles da Corporación melloraron a súa audiencia en 2020. CRTVG pechou o ano cunha cota media anual do 10,6 %, (TVG 9,9 % e a G2 0,7 %, un crecemento dun 6 % respecto de 2019). A Radio Galega obtivo a súa mellor marca histórica, e as canles dixitais incrementaron máis dun 10% o seu impacto global, cun crecemento interanual do portal crtvg.gal do 16 % no número de sesións.

Os cambios na programación de Radio Galega e Radio Galega Música (RGM), e a súa aposta polos destacados e podcast foron claves para lograr uns grandes datos de audiencia dixital en 2020.

En Radio, RGM creceu un 16 % con respecto a 2019 e os podcast de Radio Galega, un 9 %. Os directos disparáronse o catro últimos meses do ano, do mesmo xeito que o seguimento en redes sociais. E RGM iniciou 2021 con cifras altas de consumo, sen deixar de crecer desde abril de 2020 e un pico de consumo en novembro pasado (27.665 usuarios únicos).

Máis visitas, descargas e usuarios nas emisoras de Forta

Pola súa parte, Canal Sur Radio pechou o ano 2020 con 7.039.624 visitas na súa web (un millón de páxinas máis que o ano anterior) e 1,6 millóns de usuarios únicos, o que supoñen 600.000 usuarios máis que en 2019.  

Catalunya Ràdio obtivo 43 millóns de reproducións de audio, a través da súa web, app, podcast e asistentes de voz. Iso representa un incremento do 17 % respecto ao 2019.

Durante este ano, Onda Madrid logrou un crecemento, non só de usuarios, que ascenden a 3.455.141, un 59 % máis que o ano anterior. O número de páxinas vistas da emisora chega ás 7.255.171, o que supón un 41 % de crecemento fronte á tempada anterior.

300.000 persoas conectáronse á radio en directo de À Punt a través da web, as aplicacións móbiles ou dispositivos intelixentes, e consumíronse máis de 120.000 contidos á carta.

As radios do grupo EITB (Euskadi Irratia, Radio Euskadi, Radio Vitoria, Gaztea, Eitb Irratia e Euskal Kantak) continúan crecendo en Internet, con máis de 410.000 usuarios únicos ao mes e cunha audiencia nas súas emisións online de 50.000 usuarios únicos.

Os programas de Radio Castilla-La Mancha obtiveron máis de 350.000 visitas na súa web corporativa en 2020; case 1 millón de reproducións de podcast, como ‘El Dragón invisible’ ou o programa ‘808 Radio’, especializado en música electrónica, que aglutina preto de 300.000 reproducións.

Onda Regional de Murcia está en continua expansión en internet: durante o 2020 a súa web rexistrou unha media de 100.000 usuarios únicos por mes triplicando as cifras do ano anterior, e ao redor de 4,5 millóns de accesos, o que se traduce en máis de 16 millóns de clics entre visitas, descargas e reproducións dos seus contidos, un dato que supón dobrar a cifra de 2019.

Neste sentido, o impacto de Aragón Radio foi sobresaliente durante o último ano, ao superar os 4,5 millóns de audios descargados (o que supón un crecemento do 22 %), un millón máis que o ano anterior.

IB3 Ràdio incrementou a súa presenza online a través de diferentes formatos e canles. Así, a canle balear logrou que os seus usuarios consumisen máis de 234.131 contidos á carta a través das plataformas dixitais. Durante o 2020, un total de 162.697 persoas conectáronse á radio en directo a través da páxina web, a App e a plataforma de podcasting de Ivook e Spotify.

As emisoras en RRSS

Ademais, a presenza das radios públicas en redes sociais é cada vez máis notoria. As emisoras atoparon nas plataformas o aliado perfecto para achegarse ao público máis novo -e máis esixente- captando a atención de novos oíntes.

A Radio Galega obtivo un crecemento do 7 % en Facebook e do 17 % en Twitter, mentres que Aragón Radio conta cunha activa comunidade de seguidores en redes que ascende a máis de 145.000 persoas.

Canal Sur Radio aumentou a presenza das súas emisoras en RRSS: por exemplo, Canal Fiesta Radio ten 388.385 seguidores e é a emisora da casa con maior presenza, converténdose en TT todos os días en Twitter.

Catalunya Ràdio destaca a súa evolución no panorama dixital: entre as súas canles de Youtube, Instagram TV ou Spotify, o número de reproducións ascende a un total de 3 millóns.

As canles de EiTB teñen gran presenza en plataformas como Spotify, Ivoox ou iTunes, así como en Facebook, Twitter e Instagram. Os contidos de Radio Castilla-La Mancha, pola súa banda, superaron as 150.000 reproducións en Youtube durante o 2020. A presenza de ORM en redes sociais tamén creceu de maneira exponencial nos últimos anos, principalmente en Twitter e Facebook, onde a radio autonómica conta con preto de 50.000 seguidores.

As temáticas máis demandadas

Entre as temáticas de máis éxito para os oíntes das radios públicas autonómicas atópanse os programas informativos e os espazos deportivos, mantendo sempre unha presenza relevante os programas de humor e de música.

Entre os andaluces e os valencianos os programas máis destacados son os de humor. Destacan principalmente os programas de actualidade entre os cataláns, vascos e murcianos.

O deporte é outra temática moi demandada, exemplo diso son os programas de Castilla-La Mancha, Canal Sur, Radio Euskadi e Radio Galega. Precisamente, os eventos deportivos do último trimestre incrementaron considerablemente o número de usuarios únicos, tanto nas canles dedicadas ao deporte como na propia emisión de Radio Galega e Televisión de Galicia.

Tamén son os que máis crecen os programas deportivos de Onda Madrid, À Punt Aragón Radio. Ademais, os madrileños apostan por un novo contido que se consome maioritariamente a través da web, relacionado coas ofertas de emprego e que resolve dúbidas laborais por parte do SEPE.

]]>
Novas RG Novas CRTVG