CRTVG Viva https://www.crtvg.es CRTVG Viva Copyright 2023 Sun, 29 Jan 2023 00:45:32 +0100 Sun, 29 Jan 2023 00:45:32 +0100 gl https://www.crtvg.es https://www.crtvg.es/static/img/rss_logo_crtvg.png CRTVG Viva O espazo 'Veciñ@s' achégase esta semana aos barrios do Monumento, en Ribeira, e da Valenzá, en Ourense https://www.crtvg.es/crtvg/noticias-corporativas/o-espazo-vecin-s-achegase-esta-semana-aos-barrios-do-monumento-en-ribeira-e-da-valenza-en-ourense Sun, 29 Jan 2023 00:05:00 +0100 https://www.crtvg.es/crtvg/noticias-corporativas/o-espazo-vecin-s-achegase-esta-semana-aos-barrios-do-monumento-en-ribeira-e-da-valenza-en-ourense Santiago.- Veciñ@s é a última estrea da Televisión de Galicia. Cada domingo, no prime time, este programa de entretemento ofreceralles aos espectadores da canle pública galega unha mestura de humor e sentimentos, cun percorrido por aspectos variados da convivencia no ámbito de comunidades de veciños e barrios.

 Esta semana, o espazo da TVG visita o barrio de Monumento, en Ribeira, e mais o da Valenzá, en Ourense. No primeiro, os reporteiros do programa terán ocasión de probar pratos típicos de Ucraína ou do Sáhara, no centro de voluntariado local. Tamén petiscarán unha tapa de orella, rodeados de veteranos mariñeiros.

 Xa na Valenzá, descubrirán que os xubilados locais se preparan para ir de excursión ao programa ‘Luar’ da Televisión de Galicia. Os reporteiros acompañaranos nos preparativos, xa que hai moito que facer antes de subir ao autobús.

 

 

]]>
Novas TVG Programación TVG
A CRTVG participa en seis novos proxectos cinematográficos no marco do seu apoio ao sector audiovisual galego https://www.crtvg.es/crtvg/noticias-corporativas/a-crtvg-participa-en-seis-novos-proxectos-cinematograficos-no-marco-do-seu-apoio-ao-sector-audiovisual-galego Fri, 27 Jan 2023 14:57:00 +0100 https://www.crtvg.es/crtvg/noticias-corporativas/a-crtvg-participa-en-seis-novos-proxectos-cinematograficos-no-marco-do-seu-apoio-ao-sector-audiovisual-galego Santiago, 27.01.2022.- A CRTVG acordou a súa participación en seis novos  proxectos cinematográficos, catro longametraxes e dúas películas documentais, en cumprimento das accións de apoio dos medios públicos ao sector audiovisual de Galicia. Dúas das longametraxes son coproducións internacionais de clara vocación comercial: unha con Francia, ‘Tratamos demasiado ben as mulleres’, e outra con Portugal, ‘Xustiza artificial’. Outros dous proxectos cinematográficos son títulos con selo de cinema de autor: ‘Así chegou a noite’, a terceira película dirixida por Ángel Santos, e ‘As liñas descontinuas’, que será a segunda longametraxe de Anxos Fazáns.

Ademais, a selección de longametraxes documentais contempla ‘Nunca te rendas’, un proxecto de marcado carácter feminino apoiado pola Secretaría Xeral do Deporte e que analiza a maternidade no deporte e quere mostrar as consecuencias da desigualdade a través de mulleres que para ser nais moitas veces tiveron que renunciar ás súas carreiras deportivas; e unha coprodución entre Galicia e Andalucía, ‘A dereita e esquerda’ sobre os escritores Rafael Alberti e Camilo José Cela.

Favorecer o sostemento do sector audiovisual galego e apoiar a creación neste eido son algúns dos criterios deste proceso de selección que leva a cabo a Comisión Directiva de Avaliación de Proxectos de Apoio á Produción Cinematográfica da Corporación. Ao longo do ano, en posteriores Comisións completarase a selección de títulos que configurarán o investimento total do 6 % no ano 2023.

 

‘Tratamos demasiado ben as mulleres’

Coprodución internacional de Ficción Producciones, S.L. con Francia e co apoio de RTVE e Amazon Prime Video. Orixinal e provocadora proposta cinematográfica que será a opera prima de Clara Bilbao e contén unha miscelánea de xéneros entrelazados: a comedia, o absurdo, o costumismo e unha gran dose de acción e modernidade. A obra bebe de moitas fontes (Berlanga, Buñuel ou mesmo Tarantino) e sorprende ao presentar unha muller de armas tomar como a verdadeira malvada da historia. O guión relata o encontro inesperado entre un grupo delirante de maquis na súa fuxida cara a adiante e Reme, unha muller de crueldade infinita. No elenco galego destacan actores de recoñecido prestixio como Luís Tosar, Antonio de la Torre, Diego Anido, Nancho Novo ou Cris Iglesias, que completan un elenco coral encabezado pola popular actriz Carmen Machi. 

 

‘Xustiza artificial’

Thriller político moderno que segue o ronsel do cine negro de gran profundidade psicolóxica e que presenta un tema ético: a xustiza humana fronte á xustiza robótica. Proposta do novo realizador Simón Casal, nunha sólida coprodución con Portugal participada por Abano Producións e Tornasol, xunto coa portuguesa Ukbar Films. O Goberno español anuncia un referendo para aprobar un sistema de intelixencia artificial xudicial que se implementará en todos os tribunais españois. Na práctica, o sistema substituirá a todos os xuíces e xuízas do país. A morte de Alicia Kovack, a creadora do sistema, desata todas as alarmas. A película, de claro potencial comercial, conta xa co apoio de AGADIC, RTVE e Amazon Prime Video en España e Portugal, ademais de firmes acordos de distribución con Latido, A Contracorriente e Mar Filmes. A película con rodaxe na cidade da Coruña e na Costa da Morte e no reparto artístico destacan talentos como Verónica Echegui, Alberto Ammann, Tamar Novas, Lucía Móniz ou Alba Galocha.

 

‘Así chegou a noite’

Novo filme de Ángel Santos, un claro expoñente do Novo Cinema Galego que unha vez máis nos fará chegar unha historia cun forte valor creativo e mirada propia. Ante todo, será un filme sobre a fraxilidade humana cun forte fondo filosófico. O filme aposta polo encontro cinematográfico entre personaxes —un home, unha muller— e a particular paisaxe marismeira dos espazos naturais na zona protexida de Umia-O Grove. Drama que trata sobre un escultor que establece o seu taller nunha apartada zona rural da costa galega. Da man de Miramemira, S.L. e co impulso de Maruxiña Film Company, S.L. e Alfonso Zarauza, o proxecto participou en diversos foros (Festival Márgenes MRG/ WRK, Abycine Lanza e o MECAS do Festival de Las Palmas) e acadou diferentes apoios á escritura, desenvolvemento e produción por parte da AGADIC. A película prevé un plan de financiamento sólido que permita acometer con garantías o orzamento presentado.

 

‘As liñas descontinuas’

Anxos Fazáns dirixirá esta película de carácter intimista despois da súa opera prima, A estación violenta, que tivo un recorrido destacable por festivais internacionais. Trátase dun drama con matices de realismo poético que narra o encontro emocional e físico entre dous personaxes: Bea, unha muller de 50 anos que está atravesando un divorcio, e Denís, un rapaz trans de 25. Coñécense cando el entra a roubar na casa dela e, a pesar do improbable da circunstancia, xorde entre eles unha forte complicidade e atracción.  O proxecto participou na Incubadora de The screen da ECAM no 2021 e no workshop Sources 2 Development no 2020, e constrúese arredor da coprodución de Sétima Sociedade Cooperativa Galega coa produtora Elamedia, S.L.U., e a maiores conta co apoio de AGADIC.

 

‘Nunca te rendas’ / Documental

Longametraxe documental dirixida por Marta Eiriz que quere visibilizar as dificultades e os obstáculos a que se enfrontan acotío as deportistas de elite que queren ser nais. O proxecto analiza a maternidade no deporte e quere contribuír á transformación social a través dos valores do propio deporte. A película quere mostrar as consecuencias da desigualdade a través de mulleres que para ser nais moitas veces tiveron que renunciar ás súas carreiras deportivas, agardar a finalizar a carreira deportiva ou seguen buscando o momento axeitado. Por medio de testemuñas expóñense exemplos de superación e vivencias persoais de deportistas como Teresa Portela, Ana Peleteiro, Ona Carbonell, Mariajo Pons, Jennifer Volpe, Blanca Manchón, etc. Da man de expertos legais analízanse que pasos se están dando e cales son as medidas de apoio para camiñar cara a unha transformación a prol da igualdade. Proposta de Danga Danga Audiovisuais co apoio da Secretaría Xeral do Deporte. 

 

‘A dereita e esquerda’ / Documental

Este documental sobre Rafael Alberti e Camilo José Cela baséase na relación epistolar que compartían ambos escritores durante o exilio de Alberti, e pretende establecer paralelismo entre ambos escritores, que conseguiron sobrepoñerse ás diferenzas ideolóxicas polo ben da literatura a través desta correspondencia inédita, que descobre aspectos descoñecidos das súas vidas. O proxecto articúlase sobre a coprodución entre dúas comunidades, Andalucía e Galicia, e os apoios das correspondentes televisións autonómicas: Canal Sur e Televisión de Galicia. Conta ademais cun acordo de distribución con Sildavia Cinema para a distribución da obra en salas e un segundo acordo con Genial Media para a súa distribución televisiva ou en calquera outra forma.


**Ligazón coa resolución da Dirección Xeral da CRTVG

]]>
Novas CRTVG
Os medios públicos retransmiten esta fin de semana o Rácing de Ferrol-Ceuta e o Pontevedra-Madrid Castela https://www.crtvg.es/crtvg/noticias-corporativas/os-medios-publicos-retransmiten-esta-fin-de-semana-o-racing-de-ferrol-ceura-e-o-pontevedra-madrid-castela Fri, 27 Jan 2023 13:46:00 +0100 https://www.crtvg.es/crtvg/noticias-corporativas/os-medios-publicos-retransmiten-esta-fin-de-semana-o-racing-de-ferrol-ceura-e-o-pontevedra-madrid-castela Santiago, 27.01.2023.- Fútbol e atletismo serán os deportes protagonistas da fin de semana nos medios públicos galegos. Na xornada do sábado, a partir das 12:00 h, a G2 emite o encontro de fútbol sala feminino correspondente á semifinal da Supercopa, co enfrontamento entre o Futsi Atlético Navalcarnero e o Pescados Rubén Burela F. S., que se xogan no pabellón de Vista Alegre o primeiro título da tempada. 

Posteriormente, a partir das 17:00 h, tanto na G2 como na web da CRTVG poderá seguirse o encontro de fútbol entre o Polvorín C. D. Lugo e o B-C. D. Palencia Cristo Atl, correspondente á 2ª RFEF. O Anxo Carro recibe un Palencia á alza, que chega a Lugo logo de dous triunfos consecutivos. Pola contra, o equipo local permanece ancorado na zona vermella da táboa, loitando pola permanencia. 

Doutra banda, os afeccionados ao fútbol tamén poderán ver na canle dixital dos medios públicos o encontro da 1ª Ref entre o Rácing de Ferrol e o A. D. Ceuta. F. C.,  a partir das 19:00 h. A xornada deportiva do sábado rematará co programa ‘En Xogo Todo Motor’, que, desde as 21:00 h, se ocupará, cun programa especial, do Dakar. Xa ás 23:00 h, o espazo ‘A Xornada’ recollerá os principais fitos deportivos do día.

O domingo a xornada deportiva nos medios públicos arrancará as 12:15 h, co encontro entre o Coruxo F. C. e o R. Avilés C. F., da  2ª RFEF, que poderá seguirse na G2 e mais na na crtvg.gal. Ademais, os apaixonados do atletismo poderán ver o Campionato de España de Cros masculino, desde as 12:15 na web e, en diferido, a partir das 14:00 h, na segunda canle da Televisión de Galicia.

Máis tarde, a partir das 17:00 h, a G2 retransmitirá o encontro de fútbol da 1ª  RFEF, entre o Pontevedra C. F. e o F. R. Madrid Castela, que tamén poderá seguirse na web. E, xa ás 19:00 h, a xornada deportiva completarase co enfrontamento entre o Bergantiños C. F. e o C. D. Arenteiro, da 2ª RFEF. Neste caso, o Bergantiños, que se atopa nunha posición delicada, na zona de descenso directo, recibe nas Eiroas ao líder da categoría. A fin de semana deportiva rematará co espazo ‘En Xogo’, a partir das 22:30 h, na G2.

 

]]>
Novas TVG Deportes Novas CRTVG Programación TVG
Celta-Athletic de Bilbao e San Fernando-Deportivo son os partidos destacados do domingo no ‘Galicia en Goles’ da Radio Galega https://www.crtvg.es/crtvg/noticias-corporativas/celta-athletic-de-bilbao-e-san-fernando-deportivo-son-os-partidos-destacados-do-domingo-no-galicia-en-goles-da-radio-galega Thu, 26 Jan 2023 12:00:00 +0100 https://www.crtvg.es/crtvg/noticias-corporativas/celta-athletic-de-bilbao-e-san-fernando-deportivo-son-os-partidos-destacados-do-domingo-no-galicia-en-goles-da-radio-galega Santiago, 26.01.2022.- Esta fin de semana os partidos máis importantes do calendario galego chegarán na tarde do domingo. Antes, ‘Galicia en Goles’ ten preparados amplos espazos de retransmisións, coa primeira na noite do venres. O Basquet Coruña afronta unha nova xornada na LEB Ouro de baloncesto e desta volta recibe no palacio dos deportes de Riazor ao Juaristi. O programa comezará ás 20:30 h e prolongarase ata a medianoite, para analizar todo o calendario dos equipos galegos nas principais competicións.


O sábado haberá programa dobre. A partir das 23:45 h, a Radio Galega contará desde o pavillón Vista Alegre a primeira semifinal da Supercopa de fútbol sala feminino, que enfronta o Burela co Navalcarnero. Desde as 15:00 h, o interese pasará polo fútbol das categorías RFEF. O Racing de Ferrol recibe na Malata ao Ceuta, na Primeira. Mentres, na Segunda, o Lugo B recibe ao Palencia e o Ourense C. F. ao Marino. O baloncesto tamén estará presente desde o Pazo de Lugo co Breogán-Granada, da Liga ACB.


Xa o domingo, a edición matinal principia ás 11:45 h co Córdoba-Celta B, da Primeira RFEF, e co Coruxo-Avilés, da Segunda. Ás 15:00 h, a atención estará posta no San Fernando Isleño-Deportivo da Coruña, desde o campo Iberoamericano 2010. Ao remate chegará o Celta-Athletic de Bilbao, desde Balaídos, que os espectadores de ‘Gol Play’ poderán ver escoitando a narración de ‘Galicia en Goles’, picando na canle de audio reservada á Radio Galega. O Albacete-Lugo, de Segunda Profesional, e o Pontevedra-Castilla, da Primeira RFEF, completan a oferta futbolística. Os afeccionados ao baloncesto poderán escoitar de xeito íntegro, a partir das 18:30 h, o encontro da Liga ACB entre o Gran Canaria e o Obradoiro. A emisión chegará a través das plataformas radiogalega.gal e G24.gal/deportes. Como cada domingo, ás 23:00 h e cando remate a xornada, os especialistas de ‘Ao contraataque’ pasarán consulta para analizar os resultados dos equipos galegos.


Durante esta fin de semana, o proxecto #GaliciaEnXogo chegará o sábado ás 15:15 h co espazo dedicado aos xogos electrónicos; ás 23:00 h, coa información do motor; e ás 23:30 h, coa información dos galegos que preparan os Xogos de París 2024.

]]>
Novas RG Deportes Novas CRTVG
Radio Galega Podcast lanza este venres 'O Impostor', con Kiko Novoa e Paco Lodeiro https://www.crtvg.es/crtvg/noticias-corporativas/a-radio-galega-este-venres-o-impostor-o-novo-podcast-de-kiko-novoa-e-paco-lodeiro Tue, 24 Jan 2023 15:32:00 +0100 https://www.crtvg.es/crtvg/noticias-corporativas/a-radio-galega-este-venres-o-impostor-o-novo-podcast-de-kiko-novoa-e-paco-lodeiro Santiago, 24.01.2023.- Radio Galega Podcast estrea este venres ‘O Impostor’, un novo espazo conducido polo xornalista da RG Kiko Novoa e o presentador da TVG Paco Lodeiro. Dúas veces ao mes, os oíntes terán a oportunidade escoitar a personaxes famosas, de distintos  ámbitos, falar de todo agás da súa profesión. O programa, en ton distendido e cun toque de humor, tratará de demostrarlle á audiencia que detrás da persoa pública se agocha outra descoñecida, que vai sorprender aos seguidores e seguidoras do espazo. 

Os primeiros convidados en pasar polo ‘Impostor’ serán o xuíz Vázquez Taín, o músico Charli Domínguez, a cantante Pili Pampín, a humorista e actriz Lucía Veiga, o científico Jorge Mira e o humorista Marcos Pereiro. Falarán das súas metidas de zoca, de erros que cometeron, de 'pecadiños' da mocidade, do primeiro amor e do último, dos seus inicios profesionais e de como cren que son vistas pola xente.

A audiencia dos medios públicos poderá seguir o novo espazo de Kiko Novoa, tamén presentador dos magazine ‘Galicia por diante’, da RG, e ‘A bóla extra’ da TVG, e Paco Lodeiro, condutor de do concurso ‘Atrápame se podes’, na web da CRTVG, a través da sección de podcast da Radio Galega (www.crtvg.es/rg/podcast) e tamén, na súa versión videopodcast, na canle YouTube, onde se publicará cada dúas semanas. 

 

]]>
Novas RG Novas CRTVG
O filme 'Matria', que conta coa participación da TVG, competirá na Berlinale https://www.crtvg.es/crtvg/noticias-corporativas/o-filme-matria-que-conta-coa-participacion-da-tvg-seleccionado-para-a-berlinale Wed, 18 Jan 2023 12:12:00 +0100 https://www.crtvg.es/crtvg/noticias-corporativas/o-filme-matria-que-conta-coa-participacion-da-tvg-seleccionado-para-a-berlinale Santiago, 18.01.2023.-    ‘Matria’, a ópera prima de Álvaro Gago, que conta co apoio da Televisión de Galicia, participará na Berlinale, un dos festivais de cine máis importantes do mundo, que se celebra en Berlín do 16 ao 26 de febreiro. Alí a película terá a súa estrea mundial o día 17 de febreiro, a competición dentro da sección Panorama. A súa estrea comercial nas salas de cinema está prevista para o 24 de marzo.

Trátase da primeira longametraxe do cineasta arousán e parte da personaxe principal da curtametraxe homónima que levou a Álvaro Gago a recibir innumerables recoñecementos a nivel nacional e internacional, como o Gran Premio do Xurado no Festival de Sundance 2018 ou a selección como finalista ao Goya á mellor curtametraxe de ficción en 2019.

‘Matria’ conta a historia de Ramona, que vive nunha vila de Galicia sumida nun contexto laboral e persoal tenso e impredicible. Sempre sacrificándoo todo polo futuro da súa filla Estrella, verase empurrada a mirar para dentro e a pensar que, tal vez, haxa algo novo polo que vivir. A actriz María Vázquez interpreta a Ramona e completan o elenco Soraya Luaces, Santi Prego, Eduardo R. Cunha ‘Tatán’, Susana Sampedro e Francisca Iglesias, protagonista da curtametraxe e da historia real en que se inspira o filme.

Rodada en galego en distintas localizacións do Salnés e de Pontevedra, ‘Matria’ está producida por Matriuska Producciones, Avalon P.C, Elastica Films, Ringo Media e Felicidad La Película, AIE. Conta co financiamento do ICAA (Ministerio de Cultura) e de Agadic (Xunta de Galicia), coa participación da Televisión de Galicia, Movistar e The Screen, e coa colaboración da Deputación de Pontevedra e mais do Concello de Pontevedra.

]]>
Novas TVG Novas CRTVG
'Fatum', nova película participada pola Televisión de Galicia, chegará aos cines o vindeiro mes de abril https://www.crtvg.es/crtvg/noticias-corporativas/fatum-nova-pelicula-participada-pola-television-de-galicia-chegara-os-cines-o-vindeiro-mes-de-abril Mon, 16 Jan 2023 17:19:00 +0100 https://www.crtvg.es/crtvg/noticias-corporativas/fatum-nova-pelicula-participada-pola-television-de-galicia-chegara-os-cines-o-vindeiro-mes-de-abril Santiago, 16.01.2023.-    A película ‘Fatum’, producida por Vaca Films e participada pola Televisión de Galicia, chegará ás salas de cine o vindeiro mes de abril. Dirixida por Juan Galiñanes e con Luís Tosar e Álex García como protagonistas, é un thriller dramático de ritmo trepidante cuxa acción transcorre en só dúas horas arredor dun atraco a unha casa de apostas.

A primeira longametraxe de ficción de Juan Galiñanes, con guión escrito por el mesmo e Alberto Marini, é unha orixinal e sorprendente visión sobre o peso do destino e o azar e sobre como este inflúe de xeito determinante nas nosas vidas e no futuro máis inmediato.

‘Fatum’ presenta a historia de Sergio, que ten graves problemas co xogo. Tras xurarlle á súa muller que non volvería caer, recibe un sopro sobre un suposto amaño dun partido de fútbol e, incapaz de cumprir coa súa promesa, regresa á casa de apostas coa intención de recuperar todos os cartos perdidos. O destino fai que, xunto a Pablo, un francotirador dos GEO preocupado pola vida do seu fillo, que pende dun fío, se vexa envolto nun atraco á casa de apostas, onde un disparo cambiará as súas vidas para sempre.

Elena Anaya, Aron Piper e Luísa Mayol completan o elenco desta coprodución de Vaca Films e Playtime, que conta coa participación de RTVE, Amazon e TVG e co apoio de ICAA e Agadic e cuxa rodaxe se desenvolveu en Galicia. O filme chegará aos cines distribuído por Universal Pictures International Spain e as vendas internacionais correrán a cargo de Playtime.

]]>
Novas TVG Novas CRTVG
Comeza na G2 a emisión de 'Merlí', que marcou un antes e un despois nas series sobre a xuventude https://www.crtvg.es/crtvg/noticias-corporativas/comeza-este-sabado-na-g2-a-emision-de-merli-un-exito-da-television-autonomica-catala-que-marcou-un-antes-e-un-despois-nas-series-sobre-a-xuventude Fri, 13 Jan 2023 12:00:00 +0100 https://www.crtvg.es/crtvg/noticias-corporativas/comeza-este-sabado-na-g2-a-emision-de-merli-un-exito-da-television-autonomica-catala-que-marcou-un-antes-e-un-despois-nas-series-sobre-a-xuventude Santiago, 13.01.2023.-     A partir deste sábado, os espectadores da G2 poderán ver en galego ‘Merlí’, un éxito da televisión autonómica catalá que marcou un antes e un despois nas series sobre a xuventude. Esta produción de TV3 trata sobre un profesor de Filosofía do mesmo nome que estimula os seus alumnos a pensar libremente mediante uns métodos pouco ortodoxos, que dividirán as opinións da clase, o profesorado e as familias.

A serie, que se ofrecerá os sábados ás 14.30 h, consta dun total de 40 episodios, repartidos en tres temporadas e bautizados co nome de diferentes filósofos. Creada e escrita por Héctor Lozano e dirixida por Eduard Cortés, estreouse en TV3 en 2015. Cunha certa influencia de películas como ‘O club dos poetas mortos’, ‘Merlí’ procura facer máis próxima a filosofía a todos os públicos, incluíndo en cada episodio os postulados dalgún gran pensador ou escola.

'Merlí' ten como protagonista un inspirador profesor de Filosofía, interpretado por Francesc Orella, que escolle un grupo de alumnos de Bacharelato para convertelos nos ‘peripatéticos do século XXI’. Como se dun novo Aristóteles se tratase, Merlí ensínalles a cuestionar as cousas e a reflexionar. Polo seu carácter irónico e irritante, esperta antipatías no instituto porque non todos os profesores están dispostos a aguantar as súas manías. Nin tampouco o seu fillo Bruno, o alumno máis difícil que tivo xamais, co que intentará mellorar a súa relación.

]]>
Novas TVG Novas CRTVG
A G2 estrea grella coa chegada do raposo #Digochiño, a serie 'Merlí' en galego e con 'Retrincos de Galicia' https://www.crtvg.es/crtvg/noticias-corporativas/a-g2-estrea-grella-coa-chegada-do-raposo-digochino-a-serie-merli-en-galego-e-con-retrincos-de-galicia Tue, 03 Jan 2023 13:16:00 +0100 https://www.crtvg.es/crtvg/noticias-corporativas/a-g2-estrea-grella-coa-chegada-do-raposo-digochino-a-serie-merli-en-galego-e-con-retrincos-de-galicia Santiago, 03.01.2023.-    A G2 da Televisión de Galicia estrea ano e nova grella coa chegada o sábado 7 de ‘Digochiño’, o espazo dedicado aos máis pequenos do #DígochoEu. Desde esta semana, Esther Estévez e a súa nova mascota, o raposo Digochiño, contaranlles historias aos máis pequenos e darán paso ás series infantís entre as 9.30 e as 12.30 h.

Nesta nova etapa, a G2 manterá o seu concepto de canle temática e seguirá afondando na súa especialización sociocultural, con novos espazos de servizo público, contidos culturais e programas de marcado carácter social. Isto complétase con información de análise e actualidade, deportes, programación infantil e xuvenil, ficción galega e cine e series internacionais de onte e de hoxe.

Polas tardes, de luns a venres (17.45 h), emitirase ‘Retrincos de Galicia’, un contedor de programas sociais e culturais que, con distintas narrativas, comporán un gran documental de Galicia. A primeira grande estrea baixo este paraugas será ‘Grazas á vida’, (10 de xaneiro), en que persoas que xa pasan da idade de xubilación revivirán os momentos e lugares máis importantes das súas vidas. E a mediodía, de 14.00 a 15.00 h, ofrecerase ‘Retrincos do mar’, espazo dedicado a contidos relacionados co mundo mariño, como os programas ‘Náufragos’ ou ‘Ribeiras de Salitre’.

Arredor das 21.00 h, de luns a venres, o novo programa ‘A Porta Aberta’ estará dedicado cada día a un colectivo ou entidade do tecido sociocultural galego. Outra gran novidade e o paso do informativo cultural ‘Zigzag’ ao prime time, desde mediados de xaneiro, con emisión ás 21.30 h.

Estrea da serie ‘Merlí’ en galego

O 14 de xaneiro, a G2 estreará a recoñecida serie de ficción ‘Merlí’, que se ofrecerá todos os sábados ás 14.00 h. Esta produción de TV3 trata sobre un profesor de filosofía do mesmo nome que estimula os seus alumnos a pensar libremente mediante uns métodos pouco ortodoxos, que dividirán as opinións da clase, o profesorado e as familias.

Ademais, nesta grella de 2023 continúan as ‘Noites Temáticas’ dedicadas á lembranza, á descuberta, á música, á cultura e ao cine galego. E, dentro das noites musicais, o 11 de xaneiro estrearase o programa ‘Grandes Cafés’, sobre as cafetarías máis senlleiras de Galicia e as actuacións musicais que nelas teñen lugar.

‘Digochiño’, os sábados nas mañás da G2

Digochiño é un pequeno raposo, azul e branco, as dúas cores da bandeira galega, que vai ter máis protagonismo ao longo deste ano nos capítulos do programa #DígochoEu, o multipremiado proxecto da CRTVG para achegar o galego dunha forma dinámica e entretida a toda a cativada. Na G2, cada sábado Esther Estévez e o raposo Digochiño explicarán galego aos máis pequenos da casa e darán paso ás series infantís entre as 9.30 e as 12.30 h.

Con esta renovación da segunda canle tamén se pretende sacar partido do significativo potencial multimedia da Corporación, facendo posible a difusión combinada de contidos para televisión, radio e dixital segundo as capacidades de cada un destes medios e as posibilidades de chegar ao público onde este se atope.

]]>
Novas TVG Novas CRTVG
#DígochoEu estrea #DígochoWHAT?!, nova sección para ensinar galego básico a estranxeiros https://www.crtvg.es/crtvg/noticias-corporativas/digochoeu-estrea-digochowhat-nova-seccion-para-ensinar-galego-a-estranxeiros-sen-ningun-conecemento-previo-da-lingua Tue, 03 Jan 2023 12:12:00 +0100 https://www.crtvg.es/crtvg/noticias-corporativas/digochoeu-estrea-digochowhat-nova-seccion-para-ensinar-galego-a-estranxeiros-sen-ningun-conecemento-previo-da-lingua Santiago, 04.01.2023.- O #DígochoEu amplía horizontes, cunha nova sección: #DígochoWHAT?!, na que Esther Estévez, condutora do espazo das canles dixitais dos medios públicos, ensinará galego a estranxeiros. O multipremiado proxecto da CRTVG para achegar a lingua propia á audiencia ocuparase a partir de agora tamén das persoas que non coñecen nada do idioma. 

Cada luns, os seguidores dos medios públicos terán unha nova entrega do #DígochoWHAT?! na canle de YouTube da CRTVG e na páxina www.g24.gal, ademais de nas redes sociais do espazo, onde os seus vídeos acumulan xa 75 millóns de reproducións.

A nova sección do #DígochoEu arrancará coa iniciación ao galego de Christina Blum, unha moza de Carolina do Norte, nos Estados Unidos de América, que chega a Galicia para traballar como axudante de conversa en inglés nun centro educativo de Ribeira. Sen coñecer o castelán nin o galego, aprenderá ambas linguas a un tempo, a galega coa axuda de Esther Estévez. 

#DígochoWHAT?! Permitirá as persoas interesadas en iniciarse no galego aprender o básico para manter unha conversa. Desde como saudar ou presentarse, ao alfabeto e os verbos máis comúns. 

O lanzamento da nova sección coincide con outra novidade no #DígochoEu, que acaba de estrear mascota, o raposo Digochiño, para axudar tamén os máis pequenos a manexarse con fluidez na lingua propia. 

Ademais, #DigochoEu, que se estreou o 1 de xaneiro do ano 2020, dentro dos Servizos Informativos da TVG, celebra tres anos de percorrido. Actualmente, conta co seu propio portal, digochoeu.gal, redes sociais con milleiros de seguidores, directos semanais en Twitch en que se achega o portugués no ‘Apuntamento lusófono’ e varios concursos en marcha, como os Premios #DígochoEu. Ademais, #DígochoEu colabora coa comunidade educativa galega, dinamizando o ensino do galego e creando accións coas que seguir espallando o bo uso da lingua, especialmente entre os máis novos.

 

]]>
Novas TVG Novas CRTVG