Editorial Kalandraka

Máis noticias:

• María Solar presenta "Teño uns pés perfectos"
• Entrevista a María Solar en 'A Revista'

Velaquí a curiosa historia dun neno con febre e dunha repartidora de bicos, un bar onde todo o mundo di mentiras, un alien que se move polos sumidoiros, un dinorrinco... Un pesadelo? Quizais un fermoso soño feliz. Un libro divertidísimo.

Premio Lazarillo 2014

Editorial: Galaxia

"un rato díxolle á lúa: nunca reparas en min, por eso vivo na rúa, metido nun calcetín"...

Trátase dunha antoloxía de poemas acompañado dun CD con tres poemas musicados e interpretados por Paco Ibáñez. Son poemas musicales, poemas para nenos e adultos que aman da poesía. 

Máis información en Xerais

Sinopse:

Un lenzo, unha paleta de cores e un pincel bastan para trazar as liñas da gaiola na que se acabe pousando o noso paxaro. Unha espera paciente, que pode ter a súa recompensa se a ave nos agasalla co seu canto. 

• Autor: Marcos Calveiro. 
• Ilustrador: Ramón Trigo.
• Editorial: Xerais.
• Colección: Merlín.
• Ano: 2012

Un libro que nos transporta á África máis profunda, a esoutra realidade á que tan doadamente lle damos as costas, a un lugar calquera de esa inmensidade continental onde o sufrimento é continuo e a busca de alimentos a única opción de supervivencia. E, de fondo, a dor máis profunda, o sufrimento de perder un ser querido sen ser a morte quen cause este sentimento; porque hai moitos xeitos de morrer, ou moitas maneiras de marchar. E nese fondo, dicimos, está a guerra, a explotación, ese lado do ser humano que nos achega aos animais para esquecérmonos de sentimentos e corazón. 

vía Blog Trafegando Ronseis

Sinopse: 

A punta de pistola ábrese cunha escena de ritmo trepidante: un delincuente de pouca monta, coñecido como O Varas, e a súa muller, Rica, acoden a un Centro de Acollida Familiar para ver os seus fillos, baixo a tutela dos servizos sociais. Unha vez alí, secuéstranos e lévanos a punta de pistola. Así comeza unha frenética fuxida. Ao tempo, outra historia transcorre en paralelo: a dunha camioneira emprendedora, culta e licenciada, que conduce e escribe nun blog. A camioneira, admiradora da vida da fisterrá Celia Rivas, a primeira muller en conducir un camión, en 1932, supón un contrapunto máis intimista á desenfreada fuxida que protagoniza a parella de secuestradores.

Moita acción, planos cinematográficos, novas tecnoloxías, o papel da muller e a desestruturación social, familiar e educativa son algúns dos eixos que vertebran esta novela que está baseada nun feito real e logra atrapar os lectores e lectoras.

Fonte: Blog Editorial Xerais

• Autor: Celia Díaz Núñez.
• Editorial: Deputación Provincial de Ourense
• Ano: 2012

Sinopse: 

Novela xuvenil na que nos propón unha historia en dous tempos: o noso presente e os comezos do XIX, nos anos previos á desamortización de Mendizábal. Un relato ambientado nas altas terras do sur de Lugo, concretamente no lugar quirogués que dá nome ao libro. 

Tomado de: Blog Rugando.

Sinopse: 

Magnífica adaptación ao galego, realizada pola escritora e tradutora Ánxela Gracián e ilustrada por Calros Silvar, dunha das novelas máis coñecidas e adaptadas de Jules Verne, xunto A volta ao mundo en 80 días e 20.000 leguas baixo dos mares. Recuperación dun clásico da literatura universal para que os lectores e lectoras máis novos gocen coa xeografía de Rusia e Siberia e vivan en tensión as aventuras e desventuras do heroe.

Tomado de : Blog Baía Edicións.

Sinopse: 

Aillada nun xardín, Margarida é a única elefanta do grupo incapaz de conseguir que a súa pel sexa de cor rosa caramelo. Cando os seus proxenitores desisten de impórlle ese aspecto, poderá por fin descubrir o significado da liberdade e abrirlle o camiño da igualdade ás súas compañeiras.

Tomado de: Blog Editorial Kalandraka

• Autor:Fina Casalderrey , Francisco Castro.
• Editorial: Galaxia.
• Colección: Libros singulares e fóra de colección
• Ano: 2012

O neno can é un libro de relatos nos que quixeron abordar asuntos relacionados cos dereitos da infancia, ou máis ben, coa falta de dereitos básicos que unha parte moi importante dos nenos e nenas do mundo padecen hoxe en día. Así, cóntannos historias deses cativos que teñen que sobrevivir remexendo nos colectores de lixo; a epopea desas nenas obrigadas a casar con homes adultos cando aínda nin deixaron as bonecas; a discriminación de quen é diferente por calquera motivo e así carne de canón social.

Vía Blog Editorial Galaxia

• Autor e Ilustrador: Dores Tembrás, Xosé Tomás.
• Editorial: Galaxia.
• Colección: Árbore. Os duros.
• Ano: 2012

• Autor: Pereledi (Ledicia Costas, Pere Torabuela); Ilustrador: Antón Meixide.
• Editorial: Everest.
• Colección: Punto de encontro.
• Ano: 2011
• Palabras clave: Intriga, misterio, sociedade.
• Recomendado para 12 anos en diante.

En Mortos de ningures nárrase o caso dos mortos “ningurenses”. A inspectora Nola, coa colaboración do seu gato Lolo, debe reconstruír o acontecido na cidade de Todures, onde aparecen varios mortos da localidade veciña de Ningures que comparten unha característica: todos eles deixan correr sangue verde. Os autores propoñen unha historia de intriga cunha trama que combina doses de crítica social coa posta en cuestión de diferentes hábitos da vida actual. As ilustracións de Andrés Meixide son o contrapunto deste texto de diálogos vivos e linguaxe directa.

Tomado de: Galician books for children & young adults 2012. Santiago de Compostela: Consellería de Cultura, Educación e Ordenación Universitaria, 2012.

• Autor: Xenxo Pereiro, Fotógrafo: Tono Arias.
• Editorial:Ouvirmos.
• Colección: Cociña infantil e familiar. 
• Ano: 2011
• Palabras chave: Cociña, nenos, receitas.
• Público: De 8 anos en diante.

Sinopse: 

Ouvirmos bota a andar a colección “Cociña infantil e familiar” coa publicación do volume Bocadillos e sándwiches. A través deste libro de receitas, e dos nove restantes que completarán a colección, descúbreselles o mundo da cociña aos máis pequenos como actividade lúdica e creativa. A sinxeleza das receitas descritas paso a paso polos mestres cociñeiros e a calidade das fotografías animarán aos cativos e cativas a participar na preparación de todo tipo de pratos en familia e a dar os primeiros pasos neste mundo de posibilidades infindas.  

Tomado de: Galician books for children & young adults 2012. Santiago de Compostela: Consellería de Cultura, Educación e Ordenación Universitaria, 2012.

Sinopse

Laura recibe un fermoso agasallo do seu padriño: un papaventos con forma de barco pirata. Un día foi voalo á praia e escapoulle, pero recuperouno chamando por el (xa que se lle ocorrera bautizalo co nome de “Pluma Negra”). 

O papaventos contoulle que quedara enleado nunha nube. Grazas ao seu novo amigo, a protagonista saberá sempre das historias das nubes: as súas reunións, a decisión de que no verán chovan flores en troques de auga, a chuvia de soños fantásticos, a competición de formas que organizaron, etc. 

Tomado de: Galician books for children & young adults 2012. Santiago de Compostela: Consellería de Cultura, Educación e Ordenación Universitaria, 2012.

Dark (un can brango e negro) e Noa (a súa ama) forman unha parella que a pesar das súas diferenzas cultivan unha fermosa amizade basada na confianza, na complicidade e no agarimo.

Xuntos confiaranlle cada noite á lúa os seus segredos máis importantes e xuntos, reflexionan sobre temas de grande interese social, como a xenofobia e o maltrato. Trátase dunha tenra e conmovedora historia, tanto polo que ten de real como polo que ten de imaxinario.