No ecuador do ciclo olímpico, a canle autonómica mantén a súa aposta por dar cobertura especializada a todas aquelas disciplinas e deportistas que forman parte do programa duns xogos olímpicos. Intentaremos acompañar os deportistas galegos, sempre con fonda visión de xénero, no seu percorrer cara aos xogos de 2020, así como poñer en valor as actuacións nacionais e internacionais doutros novos valores do noso deporte sobre os que se sustenta a esperanza dunha futura remuda xeracional coa ollada posta a longo prazo, nos xogos de 2024 ou 2028.