Nas últimas semanas o mundo loita contra un inimigo microscópico procedente da China: o coronavirus. Esta semana falecía o doutor de Wuhan que o descubriu. Xa son máis de setecentos os mortos e os afectados rozan os 35.000.

Queremos coñecer cales son as normas de seguridade sanitaria e os protocolos de actuación para conter a propagación de enfermidades como o coronavirus ou pneumonía de Wuhan, así como outras ás que nos enfrontamos no pasado como o SARS ou o ébola e que provocaron no seu día auténticas alertas sanitarias. Unha reportaxe de María Xosé Rivero.