Polo Zona mixta pasou Xulio Conde, director deportivo do Club Ciclista de Maceda, que pide a colaboración cidadá para atopar a persoa que levou por diante un rapaz cun coche negro.

Comentaba os detalles dos feitos: "Foi o sábado ás 14 h na OU-507 entre o Parque Tecnolóxico e as piscinas de Monterrei. O rapaz saíu voando e salvouno o casco, que quedou esnaquizado".

Conde sinalou as pistas que teñen e que xa investigan as autoridades: "Xa puxemos as denuncias correspondentes. A Garda Civil está revisando as cámaras do Parque Tecnolóxico a ver se se pode descubrir. Non parou porque as luces de freo non as ascendeu e tivo que saber que o levara por diante porque o rapaz voou e chocou contra o teito".