O encoro de Verducido acolle esta fin de semana a primeira proba de piragüismo de nivel autonómico sénior que se organiza desde que se retomou a actividade deportiva. Como apenas hai competicións, a esta cita acoden moitos dos grandes nomes do piragüismo galego, Tono Campos, Diego Romero, Tania Fernández ou Antía Jácome, que se apuntou a cinco carreiras.

Cóntanos que os padexeiros botan moito de menos a competición e que se adestran coa incerteza de saber se este ano haberá competicións nacionais ou internacionais.