Sagrario Fernández, do Colexio Oficial de Traballo Social de Galicia e directora do documental A vivenda, un ben social? pasou pola Sala5 da Radio Galega.

Asina, xunto a Xosé Boxicia, o primeiro gran documental sobre a situación da vivenda en Galicia.

A través de entrevistas a persoas dos mais diversos ámbitos, constatou as dificultades para acceder ás vivendas sociais e a desprotección que sofren moitos por carecer de recursos.

A cinta ofrece alternativas e detalla programas que se están poñendo en marcha en urbes concretas e aldeas do rural para paliar as deficiencias actuais.