Fernando Trueba pasou por 'Sala5' pola estrea en cines da súa nova película 'El olvido que seremos', baseada nun libro co mesmo título, en que se narra a historia real dun médico de Medellín, idealista e ilustrado, que durante anos perseguiu a transformación social de Colombia.

E deixou reflexións e frases destacadas:

"Intentei que a película teña todo o amor á vida que transmitía Héctor Abad, que non quede só nunha película política, social e histórica"

"Non importa saber o final de Héctor Abad, as boas películas non dependen das sorpresas nin dos sustos"

"Regalei moitos exemplares do libro, probablemente foi o que máis regalei, porque é capaz de tocarche o corazón, e queres que o coñeza a xente que amas".

"Tiña que ser Javier Cámara, porque ademais de ser moi bo actor, ten a mesma alegría que o personaxe"

"Non hai que ter medo á emoción. Un dos momentos máis bonitos que lembro foi, con 13 anos, chorar con miña nai vendo un filme"