A directora xeral de Empergo, Covadonga Toca explicou na Radio Galega que a finais da semana que vén sairá publicado no DOG o cuarto plan de rescate para empresas e autónomos que activa a Xunta cos 134 millóns de euros que sobraron da convocatoria anterior e que financia o Goberno central.

Nesta cuarta edición introdúcense dúas novidades: amplíase ata o 30 de setembro o período para cubrir as débedas contraídas por autónomos e empresas e permítese ós afectados empregar estes fondos para compensar perdas contables. 

O límite das contías é o mesmo que o fixado na convocatoria anterior: 3.000 euros como máximo para os autónomos que tributan por módulos e ata 200.000 euros para as grandes empresas. 

Os interesados poderán solicitar as axudas desde o día seguinte da súa publicación no DOG. O anterior chegou a preto de 6.000 autónomos e empresas.