O Compostela asaltou Pasarón no derbi ante o Pontevedra. O conxunto de Yago Iglesias derrotou o da cidade do Lérez grazas a un tanto de Miki no inicio do partido.

Acadou o triunfo o Compostela cun estilo moi diferente ao habitual. Así o recoñece Samu "Demostramos que sabemos sufrir. Puxemos o mono de traballo. Sabiamos que tiñamos que sufrir e fixémolo. Había que defender e demostramos que sabemos xogar a diferentes estilos de fútbol"

Samu recoñeceu que "poñerse por diante era chave. Eles, dende o cambio de adestrador, viñan con dinámica positiva e canto antes lle deramos un golpe mellor sería"