O Pontevedra sufriu un duro revés en Pasarón tras caer por cero a un ante o Compostela. O seu técnico Luisito foi moi claro na conferencia de prensa posterior: "O guión foi igual que o día do Guijuelo. Con todos os respectos para o Compostela, creo que non só para empatar, fixemos todo para gañar, incluso. O gol chegou ao principio cun erro noso, evitable"

Sobre a delicada situación en que está o conxunto do Lérez, nos últimos catro postos Luisito admite que "O fútbol ten estas cousas. A vitoria do Coruxo aperta máis, o Deportivo está a dous puntos. Quedan 9 puntos e hai que ir a morrer. Non podemos ir á Coruña a especular. Nesta categoría calquera gaña. Non me gusta ser un vendefumes, non podo pensar na terceira praza. Quero saír de aquí"