O Deportivo da Coruña segue costa abaixo e sen freos. O conxunto coruñés volveu caer a domicilio, desta vez no Vao, ante o Coruxo, por dous a cero. Dous puntos de quince posibles, sen anotar goles neste 2021 e máis preto dos postos de descenso que do ascenso, a situación é crítica.

O seu técnico, Rubén de la Barrera, admitiu: "É un resultado decepcionante. Viñamos gañar. Comezamos cun erro na saída e chegou a súa primeira ocasión, pero logo repuxémonos ata o seu primeiro gol, que non pode suceder se queremos gañar, un balón parado e un saque de banda no que estabamos desactivados".

De la Barrera foi claro: "No descanso fixemos trocos para crear máis situacións. Só queda gañar os cinco partidos que quedan. Non hai máis. As matemáticas din que aínda se pode. Pero o resultado é duro. Ou asumimos responsabilidades ou nos cortamos as veas. Só queda mañá comezar a preparar o segunte partido. Está complicado?: si. Tiramos hoxe a temporada?: non. Agora vense os equipos, as familias....".