Noia converteuse no epicentro do fútbol sala galego nas categorías de canteira. Alí estivo o Galicia en Goles para contar tódalas finais  de cadetes, alevíns e xuvenís. Presente na vila do Barbanza estaba o responsable do fútbol sala  da Federación Galega de Fútbol, Pablo Prieto "As mellores canteiras do fútbol sala galego amosaron un gran espectáculo en Noia. A saúde da base é boa. Foi unha pena o descenso do Parrulo porque serven de empurrón. Aínda así teremos a vindeira temporada moitos conxuntos en divisións nacionais. Vamos no bo camiño"

Recoñece Pablo Prieto que "este ano foi moi complicado. A pandemia  provocou que o esforzo de directivos, de xogadores fose moi alto. Pero o deporte deu exemplo"