Coñecemos Modo galego, actívao!, a experiencia de inmersión lingüística en colexios que están a desenvolver a Real Academia Galega e o Concello de Ames. A iniciativa busca o compromiso do alumnado, profesorado e traballadores dos centros educativos para empregaren o galego durante, polo menos, tres semanas seguidas, buscando tamén a complicidade das familias. Visitamos o CEIP Barouta de Ames para saber como se desenvolve o programa.