O naturalismo galego reivindica o seu día o 9 de marzo, nacemento de Martín Sarmiento. Ademais dun dos principais promotores da normalización do galego, foi un home de ciencia preocupado pola natureza e, sobre todo, dedicado ao seu estudo. Os naturalistas de hoxe recollen o seu legado, protexen o noso medio e queren implicar á sociedade nese proceso. Por iso, hoxe celebramos o Día do Naturalismo con Rafael López Loureiro, mestre, investigador e naturalista de Cedeira, de quen nace esta proposta.