O adestrador do Pontevedra Carlos Pouso xogou onte 'Ao contraataque' tras a eliminación copeira do seu equipo a mans do Eivisa.

Derrota xusta e sen paliativos para o técnico granate: "Felicitar o rival, que hoxe foi mellor ca nós. Estas cousas pasan. Estiveron mellor, e punto. Dentro de mes e pico veñen aquí e temos que aprender a dicir estas cousas".

O Pontevedra centrarase agora na liga, onde tentará chegar aos postos de play off. O equipo da cidade do Lérez acudirá o mercado invernal, aínda que non sexa o escenario ideal para Carlos Pouso.

"O problema deste mercado é que é moi complicado. Aquí queda libre o que quere saír ou ao que queren sacar. E, ademáis, non te podes equivocar como no verán".