O festival Peregrinos Musicais seleccionou xa seis finalistas para a súa XI edición, que se celebrará na capital de Galicia no mes de setembro cun cambio de formato. Permítese a participación online e internacional, ademais de preverse un premio do público dotado con 1.000 euros. 

De todas estas novidades deu conta a directora do festival, Ilona Timchenko, quen abondou no importante recoñecemento que supón para os músicos a súa simple participación no concurso, no que mesmo terán a oportunidade de tocar como solistas coa Real Filharmonía de Galicia.