A Asociación para a Xestión do Xeoparque do Cabo Ortegal presentou este ano oficialmente a súa candidatura diante da Comisión Nacional Española de Cooperación coa UNESCO. Esta entidade é a encargada de avaliar todas as propostas para optar ao selo Global Xeopark outorgado polas Nacións Unidas.

Este martes reunirase un comité de avaliación. As candidaturas presentadas teñen que explicar os motivos que as fan merecedoras deste distintivo. Non obstante, o proceso é longo. En caso de que sexa favorable, non sería definitivo ata 2022. 

Da man de Raúl Villares coñecemos a importancia da iniciativa. Conversamos co xeólogo Francisco Canosa, co xeógrafo e técnico de Desenvolvemento Local Ignacio Fernández e coa alcaldesa de Moeche, Beatriz Bascoy.  

Beatriz Bascoy: "Vai supoñer un retorno económico, pero tampouco pode ser un parque temático. Queremos un turismo sostible".